शुक्रबार, ३ कार्तिक, २०७४
OnlineKhabar.com

विश्वकप फुटबल बिस्तारित, सहभागी टोलीको संख्या ४८ पुर्‍याइयो

अनलाइनखबर

Fifa

२६ पुस, काठमाडौं । विश्व फुटबल महासंघले गरेको आगामी २०२६ को विश्वकप फुटबलमा ४८ टोलीको सहभागिता गराउने प्रस्ताव बहुमतले पारित भएको छ ।

विश्वकपलाई बिस्तार गर्नका लागि दिइएको पाँच बिकल्पहरुमध्ये फिफा काउन्सिलका ३७ सदस्यहरुबीच गराइएको मतदानमा ४८ टोली सहभागी गराउने प्रस्तावले बहुमत पाएको हो ।

२०२६ को विश्वकपमा ४८ मुलुकका टोलीहरु सहभागी हुनेछन् । सहभागी टोलीलाई १६ समूहमा बिभाजन गरिनेछ र समूहका शीर्ष दुई टोलीले नकआउट चरणमा प्रबेश पाउनेछन् ।

सन् १९९८ देखि विश्वकपमा ३२ टोलीले सहभागिता जनाउँदै आएका थिए । जसमा ३२ टोलीलाई ८ समूहमा बिभाजन गरी समूहको शीर्ष दुईलाई नकआउट चरणमा पुर्‍याउने व्यवस्था थियो ।

gianni_infantino

फिफा अध्यक्ष जियान्नी इन्फान्तिन्हो

फिफा मुख्यालय ज्युरिचमा भएको मतदानपछि २०२६ को विश्वकपदेखि नयाँ संरचनामा विश्वकप आयोजना हुने भएको हो ।

नयाँ संरचना अनुसार विश्वकपमा जम्मा ८० खेल हुनेछन् भने विश्व बिजेताले अगाडिकै संरचनाअनुसार ७ खेल्नेछन् । प्रतियोगिता ३२ दिनको हुनेछ ।

प्रतियोगिता लामो हुने भएपछि युरोका चर्चित फुटबल लिगको संरचनामा केहि असर पर्ने देखिएको छ ।

फिफाको यो निर्णयको पछाडि गत फेब्रुअरीमा फिफा अध्यक्ष निर्वाचित भएका जियान्नी इन्फान्तिन्होको प्रमुख भुमिका छ । उनले भनेका छन् कि ‘विश्वकप अब अझै समावेशी भएको छ ।’

२०७३ पुष २६ गते १६:१४ मा प्रकाशित (२०७३ पुष २८ गते १७:५९मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this