११ माघ, काठमाडौं । केन्याले विवादास्पद पूर्व कप्तान मौरिस ओडुम्बेलाई ब्याटिङ कोच नियुक्त गरेको छ ।
आईसीसी विश्व क्रिकेट लिग च्याम्पियनसिप अन्तर्गत नेपालसँगको खेल अघि ओडुम्बे केन्याली टोलीको ब्याटिङ कोचमा नियुक्त भएका हुन् ।
ओडुम्बे सन् १९९६ देखि २००१ सम्म केन्याको कप्तान थिए र, केन्याले तीन पटक विश्वकप खेल्दा उनको मूख्य भूमिका छ । तर, २००४ मा उनी विवादमा परे ।
किताब प्रकाशकबाट रकम लिएको आरोपमा उनीमाथि ५ वर्ष प्रतिवन्ध लाग्यो ।
अब उनी आफ्नो पूर्व टिममेट मुख्य प्रशिक्षक थोमस आडोयो र सहायक प्रशिक्षक लामेक ओनयानगोसँगै राष्ट्रिय टोलीको प्रशिक्षण टोलीमा आवद्ध भएका छन् ।
नेपाल र केन्याको खेल आगामी मार्च दोस्रो साता हुनेछ तर, औपचारिक घोषणा हुन बाँकी छ ।
