Comments Add Comment

गीत गाएरै भोट माग्ने कोमलको योजना


सर्वाधिक मत ल्याएर राष्ट्रिय प्रजातन्त्र पार्टी (राप्रपा) केन्द्रिय सदस्य निर्वाचित भएकी गायिका तथा नेतृ कोमल वली अब हुने निर्वाचनमा दाङ क्षेत्र न. ५ बाट चुनाव लड्ने तयारीमा छिन् ।

प्रत्यक्ष चुनाब लड्ने योजनामा रहेकी कोमलले आफ्नो चुनावी कार्यक्रम पनि मौलिक रहने बताइन् । ‘भाषण सुन्दा सुन्दा जनता वाक्क भैसके, म केबल भाषण मात्रै गर्दिनँ । गीत सुनाएरै भोट माग्छु’ कोमलले भनिन् ।

त्यसो त उनलाई अन्य केहि कलाकारले पनि साथ दिने भएका छन् । ‘कलाकार साथीहरुले पनि साथ दिन्छु भनेका छन् । अहिले योजना बनाउँदै छु’ कोमलले भनिन् ।

सम्मान ग्रहण गरेरै दिन बित्यो

तेक्वान्दो महिला एशोसिएशनका केहि महिलाले आइतबार उनको घरमा आउने जानकारी दिएका छन् । घरमा स्वागत गर्न आउने तयारीमा रहेका शुभचिन्तकलाई भेट्न बसेकी कोमल दिउँसो पनि पार्टीकै कार्यक्रममा सहभागी हुनेछिन् ।

‘दिउँसो केही साथीहरुको पार्टी प्रवेश गर्ने कार्यक्रम छ । बेलुका फेरि आफ्नै टोलको कार्यक्रममा सहभागी हुनुछ ।’ कोमलले भनिन् । केन्द्रिय सदस्यमा निर्वाचित भए लगत्तै उनले पाँच दर्जन भन्दा बढी संघसंस्थाका प्रतिनिधीको सम्मान ग्रहण गरिन् । अन्य केहीले उनलाई सम्मानको तयारी गर्दैछन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment