बाढीले बगायो डाइभर्सन, बीपी राजमार्ग अवरुद्ध

खोलामा फस्यो ईभी गाडी, उद्धारको प्रयास हुँदै

जिल्ला प्रहरी कार्यालय, काभ्रेका एसपी कोमल शाहका अनुसार यात्रुहरूलाई होटलसम्म पुग्नेगरी व्यवस्था मिलाउन अहिले प्रहरीका विभिन्न युनिटबाट टोली खटिएको छ ।

कपिल कोइराला

२०८२ वैशाख २९ गते २१:२७

News Summary

Generated by OK AI. Editorially reviewed.

वर्षाका कारण डाइभर्सन बगाउँदा काभ्रेपलाञ्चोकको बीपी राजमार्ग अवरुद्ध भएको छ र यातायात सेवा प्रभावित भएको छ।
प्रहरीले यात्रुहरूलाई होटलसम्म पुग्ने व्यवस्था मिलाउन प्रयास गरिरहेको छ र बाढीले एक महिलालाई बेपत्ता बनाएको छ।
डाइभर्सन र बाढीको कारण क्षति र अवरोधको यकिन विवरण संकलन भइरहेको छ।

२९ वैशाख, काभ्रेपलाञ्चोक । सोमबार अपरान्ह परेको वर्षाका कारण डाइभर्सनहरू बगाउँदा बीपी राजमार्ग अवरुद्ध भएको छ ।

इलाका प्रहरी कार्यालय मंगलटारका प्रहरी निरीक्षक ईश्वर कार्कीका अनुसार, रोशी गाउँपालिकाको वडा नम्बर ११ र १२ सीमानामा रहेको माम्ती खोला नजिकै डाइभर्सन बगाएको छ ।

डाइभर्सन बगाएपछि अहिले बीपी राजमार्ग भएर आवतजावत गर्ने सवारीसाधन रोकिएको कार्कीले बताए ।

‘पूर्वबाट आइरहेका सवारीलाई खुर्कोट र नेपालथोकमा विभिन्न सवारी रोकेका छौं,’ कार्कीले भने, ‘काठमाडौंबाट गइरहेका गाडीलाई भकुण्डेबेसीमा रोकिएको छ ।’

रोशी गाउँपालिका–११ कालढुंगास्थित भ्याकुरे खोलामा एउटा ईभी भ्यान फसेको प्रहरीले जनाएको छ । ‘पानीको बहाब बढेको छ, गाडी निकाल्न समस्या भएको छ,’ कार्कीले भने ।

त्यस्तै,नमोबुद्ध नगरपालिका–६ र रोशी ७ जोड़ने हिमपाइप राखेर बनाइएको सडक बगाएको छ । गत असोजमा सोही ठाउँमा पक्की पुल बगाएको थियो ।