२५ वैशाख, बिराटनगर । यातायात व्यवस्था कार्यालय इटहरीका एक जना कर्मचारी रंगेहात पक्राउ परेका छन् ।
कार्यालयका नायबसुब्बा विनोद दाहाल सेवाग्राहीबाट ५ हजार नगद रुपैयाँ घुस लिदै गर्दा रंगेहात पक्राउ परेका हुन ।
अख्तियार दुरुपयोग अनुसन्धान आयोगको कार्यालय इटहरीबाट गएको टोलीले दाहाललाई रंगेहात पक्राउ गरेको हो ।
सवारी शाखामा कार्यरत दाहालले कार्यकक्ष मै घुस लिन लाग्दा पक्राउ गरिएको अख्तियारको दुरुपयोग अनुसन्धान आयोगको कार्यालय इटहरीका प्रेम प्रसाद भट्टराईले जानकारी दिए ।
यस अघि पनि यातायात व्यवस्था कार्यालयबाट ५७ करोड रकम हिनामिना गरेको आरोपमा पाँच जना पक्राउ परेका थिए ।
