१८ जेठ, झापा । प्रहरीले जिल्लाको भद्रपर विमानस्थलबाट अवैध भारतीय रुपैयाँसहित बिहीबार बिहान एक भारतीय नागरिकलाई पक्राउ गरेको छ ।
प्रहरीले भारतको रायगढा उडिसा स्थायी ठेगाना भएका २४ वर्षीय भवानी शंकर नाइडुलाई काठमाडौंतर्फ जान लागेको अवस्थामा अवैध भारुसहित पक्राउ गरेको हो ।
उनको साथबाट दुई हजार दरको १ सय २५ थान भारतीय नोट फेला पारिएको जिल्ला प्रहरी कार्यालय, झापाले जनाएको छ ।
प्रहरीले यसबारे थप अनुसन्धान भइरहेको जनाएको छ ।
