Comments Add Comment

कांग्रेसले रुपन्देहीमा मेयरको उम्मेदवार टुंगो लगायो

भैरहवामा मात्रिका यादव, बुटवलमा खेलराज पाण्डे

२२ जेठ, भैरहवा । अगामी असार १४ गते हुने स्थानीय चुनावको लागि रुपन्देही कांग्रेसले बुटवल उपमहानगरपालिकासहित ६ नगरपालिकामा प्रमुख पदको उम्मेदवार टुंगो लगाएको छ ।

नेपाली कांग्रेसको केन्द्रीय कार्य सम्पादन समितिले सोमबार बुटवल उपमहानगरपालिकासहित ६ नगरपालिकाको मेयर पदको टुंगो लगाएको रुपन्देही कांग्रेसका जिल्ला सभापति एवं सांसद अब्दुल रज्जाकले अनलाइनखबरलाई जानकारी दिए ।

स्थानीयस्तरमा लामो छलफल पश्चात पनि उम्मेदवारहरुको टुंगो नलागेपछि उनीहरुको फाइल केन्द्रमा पठाइएको थियो । केन्द्रले बुटवल उपमहानगरपालिकामा नगर समितिका सभापति खेलराज पाण्डेलाई प्रमुख पदको उम्मेदवार बनाएको छ ।

त्यस्तै सिद्धार्थनगर नगरपालिका भैरहवाको प्रमुखमा क्षेत्रनम्बर २ का सभापति मात्रिकाप्रसाद यादवलाई प्रमुखको टिकट दिइएको छ ।

तिलोत्तमा नगरपालिकामा जिल्ला सचिव रामकृष्ण खाँणलाई प्रमुख पदको उम्मेदवार बनाइएको छ ।

यस्तै देवदह नगरपालिकामा क्षेत्र नम्बर १ का सभापति हिराबहादुर केसी र सैनामैना नगरपालिकामा जिल्ला सदस्य फणेन्द्र प्रसाद शर्मालाई प्रमुख पदको उम्मेदवार बनाउने निर्णय भएको सभापति रज्जाकले जानकारी दिए ।

नेपाली कांग्रेसले लुम्बिनी साँस्कृतिक नगरपालिकामा भने केही दिन अघि नै मोहम्मद सइद खाँलाई उम्मेदवार बनाउने निर्णय गरिसकेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment