बरुण धवन र तापसी पन्नु अभिनित फिल्म जुडवा ३ रिलिजको संघारमा छ । फिल्मका कलाकार अहिले प्रमोशनमा भिडिरहेका छन् ।
प्रमोशनका क्रममा वरुण र तापसी पिंकसिटी जयपुरमा पुगे । त्यहाँ उनीहरुले फिल्मको गीत ‘उँची हे विल्डिङ’ लाई शहरको एउटा प्रख्यात मल जीटी सेन्ट्रलमा लन्च गरे । सो कार्यक्रममा वरुण र तापसीका सयौं फ्यानहरु पनि उपस्थित थिए । बिन्दास बरुण र स्टाइलिश तापसीसँग सेल्फी र फोटो खिचाउनेहरुको भिड लाग्यो ।
यही मौकामा बरुणले सलमान खान स्टारर फिल्म जुडवाको प्रसंग ल्याए । उनले सलमानलाई अंकल भनेर सम्वोधन गरे । यो सुनेर त्यहाँ उपस्थित सलमान उनी नजिक गए ।
‘मलाई सलमान अंकल होइन, सलमान भाई भन्ने गर्नु,’ उनले कडा शब्दमा भने । विचरा बरुण रातापिरो भए ।
अहिलेसम्म बरुण धवन र आलिया भट्टको जोडीलाई मानिसहरुले मन पराएका थिए । पहिलो पटक उनले तापसी पन्नुसँग जोडी बाँधेका छ । तापसी यो फिल्मलाई लिएर निकै उत्साहित छिन् ।
