शनिबार, ७ असोज, २०७४
OnlineKhabar.com

प्रधानमन्त्री देउवालाई अप्ठ्यारो पार्ने ‘अदृश्य शक्ति’ को हो ?

सूर्यबहादुर थापाको लिगेसी बोहोरापथमा स्खलित

समाचार टिप्पणी

२७ भदौ, काठमाडौं । संघीय गणतन्त्र नेपालको प्रधानमन्त्री कार्यकारी अधिकारसहितको सरकार प्रमुख हो । कसैले चुनौती दिन नसक्ने यही कार्यकारी पदमा बसेका प्रधानमन्त्री शेरबहादुर देउवाले मंगलबार बिराटनगर पुगेर ‘लाचार’ जवाफ दिएका छन् ।

नेपाल आयल निगमको जग्गा खरिद प्रकरणमा मुछिएका दीपक बोहोरा लगायतलाई निर्वाचन आचार संहिताविपरीत किन मन्त्री बनाइयो भन्ने प्रश्नमा प्रधानमन्त्री देउवाले ‘अप्ठ्यारो परेकाले बाध्यताबस सरकार विस्तार गर्नुपरेको’ जवाफ दिए ।

निर्वाचन आचार संहिता लागू भइसकेको अवस्थामा दीपक बोहोरा लगायतलाई मन्त्री नबनाई नहुने बाध्यता प्रधानमन्त्रीलाई कहाँबाट आइपर्‍यो ? सार्वभौम मुलुकको कार्यकारी प्रमुखसमेत रहेका प्रधानमन्त्रीलाई नै बाध्य बनाउने त्यस्तो अदृश्य शक्ति को हो ? यसबारे प्रधानमन्त्रीले जावफ दिएका छैनन्, बरु प्रश्न उठाएका छन् ।

विगतमा पनि नेपालका प्रधानमन्त्रीले ‘तालाचाबी त अन्तै पो रहेछ’ भनेको प्रशंग चर्चामा आएको थियो । अहिले फेरि प्रधानमन्त्री देउवाले बाध्यताबस मन्त्रिमण्डल विस्तार गर्नुपरेको बताएर लाचारी प्रकट गरेका छन् ।

सरकार विस्तारः लोकतन्त्र र जनताको उपहास

राष्ट्रिय प्रजातन्त्र पार्टी फुटाएर नयाँ गठन भएको राप्रपा प्रजातान्त्रिकबाट विक्रम पाण्डे र दीपक बोहोरा लगायतलाई ‘भुतले खाजा खाने बेला’ मा मन्त्री बनाउनु प्रधानमन्त्री शेरबहादुर देउवाको अलोकप्रिय काम हो ।

देउवा सरकारको आयु अब केही महिनामात्रै बाँकी छ । कात्तिकदेखि प्रतिनिधिसभा निर्वाचनका लागि मनोनयन दर्ता सुरु हुन्छ र त्यही बेलादेखि प्रतिनिधिसभा सदस्यको कार्यकाल औचित्यहीन हुने भएकाले यो चुनावी सरकारको बहुमत-अल्पमतको प्रश्न पनि अब औचित्यहीनजस्तै भइसकेको छ । यस्तो अवस्थामा यो ‘म्यादी सरकार’लाई विस्तार गर्नु अलोकपि्रयमात्रै होइन, बदनियतपूर्ण र अलोकतान्त्रिक कार्यसमेत हो ।

नेपालको संविधानले २५ सदस्यीय मन्त्रिपरिषदको व्यवस्था गरेको छ । तर, प्रधानमन्त्री देउवाले यो संक्रमणकालीन सरकार हो भन्ने बाहनामा जसरी ५४ सदस्यीय सरकार बनाएका छन्, यो नैतिकताहीन राजनीतिको पराकाष्टा पनि हो ।

निर्वाचन आयोगले समेत देउवाले गरेको सरकार विस्तारलाई ‘आचारसंहिता विपरीत’ बताइसकेको छ । आयोगले यसो भेनिसकेपछि अब ती मन्त्रीहरु फिर्ता हुन्छन् कि के हुन्छ ? यसबारेमा मंगलबार बिराटनगरमा पत्रकारहरुले सोधेको प्रश्नमा प्रधानमन्त्री देउवाले फिस्स हाँस्दै यस्तो जवाफ दिए- ‘निर्वाचन आयोगले मन्त्री फिर्ता गर त कहाँ भनेको छ र ? उहाँहरुले फिर्ता गर्ने भन्नुभएको छैन । उहाँहरुले आचारसंहिता विपरीत भयो भन्नुभयो, हामीले बनाइक्यौं ।’

सूर्यबहादुर थापाको लिगेसी बोहोरापथमा स्खलित

नवनियुक्त मन्त्री दीपक बोहोरा, विक्रम पाण्डे, सुनीलबहादुर थापा र राज्यमन्त्री रेशम लामामाथि नैतिक प्रश्न उठेको छ । उनीहरु लोकतन्त्रप्रति जवाफदेही हुने हो भने निर्वाचन आयोगले गलत भनिसकेको अवस्थामा मन्त्री बनेर झण्डा हल्लाइरहन उनीहरुलाई पक्कै पनि अप्ठ्यारो लाग्नुपर्ने हो ।

बोहोराको नेतृत्वमा नयाँ मन्त्री बन्नेहरु निर्वाचन आचार संहिताविपरीत कुर्सीमा पुगेको त आयोगको निर्णयबाटै सिद्ध भइसकेको छ । तर, यसबाहेक उनीहरु जनताबाट पनि तिरस्कृत भएका छन् र सर्वर्त्र छिछि दुरदुरमा परिरहेका छन् भन्ने पनि उनीहरुले बुझ्न सकेको देखिएन ।

अबको केही महिनामा केन्द्रीय संसदको चुनाव हुन लागिरहेको छ । त्यो चुनावमा अहिलेको यो अलोकपि्रय निर्णयले सत्तापक्षलाई नैतिक क्षती पुग्नसक्ने देखिन्छ ।

पूर्वपञ्च बोहोराका लागि त आफ्नो ‘भ्रष्ट’ छविको सुरक्षाका लागि सरकारमा जानु बाध्यता थियो । देशका ठूला विकास आयोजनाहरु ठेक्कामा लिएर काम नगरेका अर्का नेता पाण्डेका लागि पनि ठेक्कापट्टामा लाइन मिलाउन र चुनाव खर्च जुटाउन वन मन्त्रालय जिम्मा लिनु अपरिहार्य थियो होला ।

तर, सुनीलबहादुर थापाले पनि यो असमयमा मन्त्री पद रोजेर आफूलाई दीपक बोहोरा अनि विक्रम पाण्डेकै दर्जामा पुर्‍याएका छन्, जसले सूर्यबहादुर थापाको लिगेसीलाई एउटा हद दर्जाको पदलोलूपतामा स्खलित गरिदिएको छ ।

यी नेतामा जनता देशप्रति अझै पनि इमान जमान बचेको छ भने निर्वाचन आयोगले आचारसंहिता विपरीत करार गरिसकेपछि पदबाट राजीनामा दिएर नैतिकता प्रदर्शन गर्लान् ? यस्तो अपेक्षा गर्नु शायद वाहियात तर्कना हो ।

२०७४ भदौ २७ गते १९:३० मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

९ प्रतिकृयाहरू प्राप्त
  • nagen लेख्नुहुन्छ    |   २०७४ भदौ २७ गते १३:१०

    Ke garnu tannai chunab kharcha liye pachhi, apthyaro ta pari halchha ni.

    3
    0
    Share

  • Khambba Singh Darlami Magar लेख्नुहुन्छ    |   २०७४ भदौ २७ गते १३:४६

    सुनीलबहादुर थापाले पनि यो असमयमा मन्त्री पद रोजेर आफूलाई दीपक बोहोरा अनि विक्रम पाण्डेकै दर्जामा पुर्‍याएका छन्,
    Nice remarks:
    Yes, we some of Nepali, rich with Money, education, exposure, and status – still”Hungry for Power”. You can’t find a person like Dr. Govinda KC and CJ Madam Sushil Karki.
    In histroy Ganesh Man, BP, KP Bhattarai, Ram Rai, Yogendra Man Serchand, Bhim Bahadur Tamang. Puspa Lal are true Nepali leaders who loved and respected till now.

    5
    0
    Share

  • nepali janta लेख्नुहुन्छ    |   २०७४ भदौ २७ गते १४:०७

    होईन यि बुधा लाई क बद्यता परेछ र भरस्थ नेतालाई मन्त्री बनौन पर्ने । । । ।

    आज कल चितिक्क परेर बाटो तिरा निस्कैन भो कतै बुध ले फत्त मन्ती पो बनै दिन्छन कि । । । ह हा हा

    3
    0
    Share

  • narendra लेख्नुहुन्छ    |   २०७४ भदौ २७ गते १४:५५

    100 bhan kam hunu bhayana mantre mandal

    2
    0
    Share

  • Kiran Thapa लेख्नुहुन्छ    |   २०७४ भदौ २७ गते १५:२४

    Sher Bahadur Deuba bhaneko Nepalko loktantrik itihas ma bikriti nai bikriti bhitryaune Pradhan Mantri ko rupma liinachha. Waha lai Constitutional provision ke ho, Code of Conduct ke ho, political ethics ke ho balmatlab chhaina, matlab chha ta kebal kursi ko.

    Arko durbhagya, Nepalma kasaile pani desh ra janata ko lagi rajniti garenan gare ta kebal afno ra party ko lagi.

    2
    0
    Share

  • अरुण कर्ण लेख्नुहुन्छ    |   २०७४ भदौ २७ गते १५:३१

    काग कराउदै छ। पिना सुक्दै छ । देश अहिलेको जस्तो भ्रष्टहरुको हातमा कहिले परेको थिएन । कहिले, कस्ले,कसरी, सुधार हुन्छ ?

    8
    0
    Share

  • shyam khatri लेख्नुहुन्छ    |   २०७४ भदौ २७ गते १५:४८

    Main Person is Our PM Sher Bahadur Deuja… He is doing so… He is Naitik Patan vayako PM in Nepal…. after next time he cant be stand as PM because I has lost every good behaviour… He is not a mankind.. his works prove it… Next election he must be kicked out.. Our Ex-King had declared him “Asaksham Pradhan Mantri”. its 100% true.. Naitik patan vayapa6i pani PM ko kursi ma basna dine Law Maker Haru pani kasta hun.. All the credits goes to Janata.. because they have chosen such a corrupted and evil person in Election… Enjoy PM Enjoy.. Des majjale lutnu par6.. ek din palo aau6 yasta bhrasta netalai khoji khoji karwahi garni…Bharstachari ko santan lai pani chhadnu hudaina.. wait and see… janatako chetanama bridi hudai 6…

    4
    0
    Share

  • असक्षम + नकचरो सरकार लेख्नुहुन्छ    |   २०७४ भदौ २७ गते १६:४०

    त्यो अदृश्य शक्ति दिल्लीको रेसकोर्स एरियामा मा बस्छ।
    सबैले देख्ने, बुझ्ने अनि महशुस गर्ने तर अति नै अदृश्य शक्ति हो यो नेपाली शासकहरूको लागि।

    8
    0
    Share

  • surya Prasad regmi लेख्नुहुन्छ    |   २०७४ भदौ २८ गते १३:०४

    हालका प्रधानमन्त्री शेर बहादुरले देशको हितमा कहिले के नै गरेका थिए र अहिले गरुन । न यिनीसंग नैतिकता त न मन्त्रीहुनेहरुमा अझ दिपक बोहरा त भ्रष्टाचारको कारवाहीबाट बच्न मन्त्री बन्न मरिहत्ते गर्ने नै भए । हाम्रा धेरै नेताहरुले भष्टाचार गरेको कारणले मन्त्रीहुँदा भष्टाचारमा कारवाही गर्न नपाईने कानून बनाएका छन् यिनीहरुले । हाम्रो देशका भ्रष्ट राजनीतिज्ञहरुलाई जब सम्म भ्रष्टाचारमा कारवाही गरिदैन तब सम्म हाम्रोदेशको बिकास हुनै सक्दैन । नातावाद , कृपावाद र भ्रष्टाचारले जकडिएको हाम्रो परिपाटकिो अन्त्य हुन्छ कि हुँदैन त्यो हेर्न बाँकी नै छ ।
    नेपाली काँग्रेस जस्तो पुरानो र जनविश्वाश प्राप्त पार्टीको नेतृत्व खराव आचरण र नैतिकता नै नभएका व्यक्तिका हातमा परेको कारणले देशले ठूलो दुष्परिणति भोगि रहेको छ । यसको अन्त्य गर्न आगामी चुनावका समयमा आम नेपाली जनताले विचार पुर्याउनै पर्ने देखिन्छ ।

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this