शनिबार, ७ असोज, २०७४
OnlineKhabar.com

केपी ओली किन झरेनन् मधेस ?

मधेसको जिम्मा माधव नेपाल र ईश्वर पोखरेललाई !

अनलाइनखबर

फाइल तस्वीर

२८ भदौ, काठमाडौं । प्रदेश नम्बर २ को चुनावी अभियानमा सहभागी हुन एमालेका अध्यक्ष केपी शर्मा ओलीसहित सबै शीर्ष नेता मधेस झर्ने निर्णय पार्टीले गरेको थियो । तर, चुनावी अभियान मन्तध्यारमा पुग्दा पनि अध्यक्ष ओली काठमाडौंमै छन् ।

ओली मधेस किन झरेनन् ? काठमाडौंबाट भन्दा पनि मधेसबाटै यस्तो प्रश्न उठेपछि हामीले ओलीको सचिवालयमा सोध्यौं । चुनावका बेला ठूला आमसभा आयोजना नभएकाले ओली मधेस नझरेको जवाफ उनको सचिवालयले दियो ।

ठूला आमसभा आयोजना नभएकै कारण ओली मधेस नझरेका हुन् त ? एमाले स्रोतका अनुसार सत्तापक्ष र मधेसवादी दलको विरोधको केन्द्रबिन्दू ओली र एमाले भएका कारण स्थानीय पार्टी कमिटीहरुले नै सानातिना चुनावी अभियानहरुमा ओलीलाई उभ्याउन नचाहेका हुन् ।

मधेसमा सबै राजनीतिक दलहरु एक्लाएक्लै चुनाव लडिरहेका छन् । तर, उनीहरुको विरोधको निशाना एमालेमै केन्दि्रत छ । एमालेको कमजोर उपस्थिति रहेका राजविराज र जनकपुरजस्ता शहरमा पनि कांग्रेस, माओवादी र मधेसवादी नेताहरुले गाली गर्ने भनेको एमाले र केपी ओलीलाई नै हो ।

जनकपुरमा चुनावी अभियान हाँकिरहेका ओली निकट एमाले नेता रघुवीर महासेठले भने- अध्यक्षलाई एक लाखभन्दा सानो मास हुने सभामा नबोलाउने नीति बनाइएको छ । सम्भवतः बर्दिबास र जनकपुरमा चाँडै ठूलोसभाको आयोजना गरेर ओलीलाई बोलाइने छ ।

महासेठले अनलाइनखबरसँग भने- अहिले सत्ताधारी र मधेसवादीहरुले विभिन्न ठाउँमा अघोषित रुपमा एमालेविरुद्ध तालमेल गरिरहेका छन् । हाम्रा साथीहरु आ-आफ्नो गाउँमा घरदैलोमा छन्, उनीहरु बाहिर निस्कनै पाएका छैनन् । यस्तो अवस्थामा ठूला आमसभा गर्ने समयनै भएन, साना कार्यक्रममा अध्यक्षलाई नबोलाउने नीति हो ।

ओली मधेस झर्दा विरोध हुन सक्ने भयले स्थानीय पार्टीले उनको आतिथ्यमा कार्यक्रम नराखेको आशंका भइरहेको छ । मधेसवादी र सत्तापक्षका कार्यकर्ताबाट समेत अवरोध हुन सक्ने र एमाले प्रतिवादमा उत्रिँदा झडप हुने भएकाले पनि ठूला कार्यक्रम नराखिएको एमाले स्रोत बताउँछ ।

एमाले नेता महासेठले भने ओलीलाई मधेसमा मधेसी जनताले सबैभन्दा आदर गर्ने दाबी गरे । ‘केही कांग्रेस, माओवादी र मधेसवादीहरुले बिरोध गरेर केही हुँदैन’ महासेठले भने ‘तर हामीले ठूला सभामा मात्रै अध्यक्षलाई बोलाउने, घरदैलोमा धपेडी नगराउने भनेका हौं’ ।

सबै उम्मेदवारहरु आ-आफ्ना गाउँ नगरमा चुनाव प्रचारमा रहेकाले ठूला सहरमा आमसभा आयोजना नगर्ने नीति एमालेले लिएको छ । बर्दिबास, जनकपुरलगायतका केही ठाउँमा आमसभा आयोजना गरेर ओलीलाई उतार्न महासचिव ईश्वर पोखरेलले तयारी गरिरहेको स्रोतले बतायो ।

महासचिव पोखरेलका साथै बरिष्ठ नेता माधवकुमार नेपाल एक सातादेखि मधेसकै विभिन्न जिल्लाका कार्यक्रम सकेर गृहजिल्ला रौतहट पुगेका छन् । सचिव योगेश भट्टराई पनि मधेसमै केन्दि्रत भएका छन् । तर ओली, झलनाथ खनाल र वामदेव गौतम भने मधेस झरेका छैनन् ।

आफ्ना अभिव्यक्तिका कारण मधेसमा एउटा तप्काका लागि मधेसविरोधी छवि बनाएका ओली अहिले चुनावी अभियानममा मधेस नझार्नुका पछाडि रणनीतिक कारण पनि हुन सक्छ ।

चुनावका बेला ओली मधेस जाँदा विपक्षीबाट हुने बिरोधले नकारात्मक असर नगरोस भन्नेमा एमालेका स्थानीय नेताहरु सतर्क भएका छन् । त्यसैले एमालेले मधेसमा यसपटक ठूला आमसभा भन्दा पनि मतदाताको घरघरमा पुग्ने अभियानलाई जोड दिएको देखिन्छ ।

प्रतिस्पर्धी नेपाली कांग्रेसका सभापति शेरवहादुर देउवा र माओवादी केन्द्रका अध्यक्ष प्रचण्डले मधेसमा चुनावी अभियानको नेतृत्व गरिरहेका बेला एमाले अध्यक्ष ओली भने मधेस नझर्नुले प्रश्न भने उठाएका छन् । किनकि यसबीचमा ओली तनहुँको भानु नगरपालिकामा आयोजित आमसभालाई सम्बोधन गर्न पुगे, तर मधेस झर्ने सुरसार देखाएका छैनन् ।

२०७४ भदौ २८ गते १४:४८ मा प्रकाशित (२०७४ भदौ २९ गते ७:१४मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

११ प्रतिकृयाहरू प्राप्त
  • NEpali लेख्नुहुन्छ    |   २०७४ भदौ २८ गते १५:०७

    मधेशि जनताले एमालेकेा निति बुझेका छन । एमाले गएर भन्नै पर्ने केहि पनि छैन् । प्रचार र तडक भडक त त्येा पार्टिले गर्छ जसलाइ चुनाब हारिन्छ कि भन्ने डर हुन्छ । एमालले जित्ने भएपछि बिपक्षिहरू अाताल्लिएकेा भइरहेका गतिबिधिले देखाउँछ । अझ अेालि नै झरे भने त पुरै सिट जित्छ भनेर बिरेाध गर्न सक्छन । येा भनाइ लेख्दा एमाले रहेछ भन्ने लागेकेा हेाला तर सत्य यहि हेा । सत्य तितेा हुन्छ । खुर्लुक्न निल्दा हुन्छ ।

    141
    82
    Share

  • NAVIN लेख्नुहुन्छ    |   २०७४ भदौ २८ गते १५:२२

    Nepali Jee Tapai UMLko Karyakartamatra Navai Oli Ko Dharmaputra Jasto Lago Tuchha Bichar

    67
    95
    Share

  • umashankar लेख्नुहुन्छ    |   २०७४ भदौ २८ गते १५:२६

    KP oli madhesi, aadibasi ra janjati birodhi ho vanne kura sambidhan samsodhan ko bipaxma vot halera pramanit gari sakeko xa .yemale vaneko bahun xetri ko jatiya sangathan ho tyo kura sabai sachet jantale bujhnu parne ho .

    47
    101
    Share

  • brijkishor लेख्नुहुन्छ    |   २०७४ भदौ २८ गते १५:२७

    kin pahad ko manxe amaleko niti bujheka thiyenana ra?amale jit xa ki har xa tyo ta samay le batauxa.

    51
    23
    Share

  • Sanjay Kumar Yadav लेख्नुहुन्छ    |   २०७४ भदौ २८ गते १६:१२

    Oli India ko birodh garne manis. Madheshi haru India laie birodh na garne manis. Ani kasari kura milcha ? Oli bhane ko itahari ra bardibas ma basne manish matrai madhishe ho . Bujheka chan. Payo bhane Madhesh ko sabai sahar haru Highway ma desh chalaune bichar cha.

    0
    2
    Share

  • Subhash लेख्नुहुन्छ    |   २०७४ भदौ २८ गते १६:२८

    100℅ har6a emale madhes ma…..

    2
    5
    Share

  • loken लेख्नुहुन्छ    |   २०७४ भदौ २८ गते १७:०६

    Double standard!!! KP oli pahaad ma basera madhes birodhi bhaasan thokne makune ra Iswor Pokhrel Madhes jhare ra ma pani madhes ko chhora hu bhandai daanko chadera Rune ! wa kya niti!!

    2
    4
    Share

  • shree लेख्नुहुन्छ    |   २०७४ भदौ २८ गते १७:०८

    केपिओली मधेश झर्ने बाटो बाकी राखेको छर???? यदि जबर्जस्ती गरेको भए फेरी आप झर्थियो होला ??? अर्को मधेशीलाई बिहारी भन्ने ओलीले भोट माग्न बिहारतिर जानु पर्लानि ?

    2
    4
    Share

  • यावल मगर लेख्नुहुन्छ    |   २०७४ भदौ २८ गते १९:५०

    ” जुनै जोगि आए पनि कानै चिरेको । “

    0
    0
    Share

  • Mukhale लेख्नुहुन्छ    |   २०७४ भदौ २८ गते २०:०१

    Aba MADESH ma MUKHA dekhauna sakne awastha nabhe pachhi kasari madesh jharnu .

    1
    3
    Share

  • chandra लेख्नुहुन्छ    |   २०७४ भदौ २९ गते १:२५

    KP Oli Madhesh najhare kai ramro! Oli Madhes jhare Madheshi le unlai birodh/bahiskar garxan jasle garda shanti surakshya khalbalina sakxa!

    2
    1
    Share

यसमा तपाइको मत




फेसबुकबाट तपाईको प्रतिक्रिया

Also you may like this