२९ भदौ, नवलपरासी । नेपाल कम्युनिष्ट पार्टीका कार्यकर्ताले नवलपरासीको कावासोतीमा रहेको मालपोत कार्यालय कावासोतीका प्रमुख खगेन्द्र घिमिरेलाई बिहीबार दिउसो कार्यकक्षमै थुनेर कालोमोसो दलेर दुर्व्यवहार गरेका छन् ।
मालपोत कार्यालयमा व्यापक अनियमितता भएको ससानो काममा समेत घुस खाने गरेको आरोपमा उनीहरुले दुर्व्यवहार गरेका हुन् ।
कार्यालयमा पुगेका सेवाग्राहीका अनुसार, तीन जनाको एक समूहले कोठा थुनेर घिमिरेलाई कालोमोसो दलेपछि कार्यालय परिसरमा पर्चा फालेर फरार भएका छन् ।
पर्चामा जग्गाको कारोवार गर्दा कीर्ते गरेको, तीस लाखभन्दा बढी ठेली र अंक घटाई लाग्ने पूँजीगत लाभकर नलाग्ने बनाई सो वापत लाखौं भ्रष्टाचार गरेको, पिच बाटो भएको जग्गालाई कच्ची बाटो र कच्ची बाटो भएको जग्गालाई बाटो नभएको मूल्य राखी रजिस्ट्रेशन वापत आउने राजश्व आफूले लिने गरेको आरोप लगाएका छन् ।
कालोमोसो दलेर फरार रहेकाको खोजी कार्य भैरहेको इलाका प्रहरी कार्यालय नवलपुरका प्रहरी नायव उपरीक्षक नविन राईले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4