२९ भदौ, काठमाडौं । नेपालमा सर्वाधिक रुचाइएको कमर्सियल भेहिकल ब्राण्ड टाटा मोटर्स् र यसको नेपालका लागि एकमात्र आधिकारिक वितरक सिप्रदी ट्रेडिङ्ग प्रालिको सहकार्यमा आज काठमाडौंमा सम्पन्न एक कार्यक्रमबीच टाटा योद्धालाई भव्यताका साथ सार्वजनिक गरिएको छ ।
टाटा मोटर्स्द्वारा उत्पादित टाटा योद्धाले प्रतिस्प्रधात्मक युगमा आफ्नो अतुलनीय विशेषताहरुको प्रतिनिधित्व गर्दछ । यो विभिन्न भेरियन्टहरुमा उपलब्ध छ जसमा भएको ८५ एचपिको शक्तिशाली ३.० लि इन्जिन, २५० एन.एम. टर्कले यसलाई आफ्नो वर्गको उत्कृष्ट गाडी साबित गर्न मद्दत गर्छ ।
उत्कृष्ट ग्राउन्ड क्लियरेन्सले गर्दा यसलाई जुनसुकै व्यवसायमा जस्तै फलफूल र तरकारी, पोलिट्री, माछा, दूध आदि ढुवानीमा, क्यास भ्यान र कन्सट्रकसन साइटहरुमा सर्भिस सपोर्ट भेहिकलको रुपमा ढुक्कले प्रयोग गर्न सकिन्छ ।
उद्घाटन कार्यक्रममा बोल्दै टाटा मोर्टस् लि. का कमर्सियल भेहिकल इन्टरनेशनल बिजनेश यूनिटका भाइस पे्रसिडेन्ट रुद्ररुप मैत्रले टाटा मोटर्स् नेपालको नम्बर एक ब्राण्डको रुपमा चिनिएको र टाटा योद्धाले नेपाली ग्राहकहरुको आवश्यकतालाई पूरा गरेर उहाँहरुको मन जित्ने कुरामा आफू विश्वस्त रहेको कुरा बताए ।
साथै उनले टाटा योद्धा ग्राहकहरुको दैनिक प्रयोगका लागि उत्कृष्ट माध्यम साबित हुने र यसले ग्राहकहरुले रोजेको जुनसुकै व्यवसायको लागि महत्वपूर्ण भूमिका निर्वाह गर्ने विश्वस्तता जनाए ।
उनले टाटा योद्धाले ननस्टप पर्फमेन्स, अत्याधुनिक आरामदायीता, सुरक्षित, स्टाइलिस लुक र एस्योर्ड सर्भिस ग्यारेण्टी प्रदान कुरा जानकारी गराए ।
साथै उनले अबको ६ महिनामा योद्धा प्ल्याटर्फम अन्तर्गत नयाँ भेरियन्ट थप्ने कुरामा समेत जोड दिए । सोही कार्यक्रममा बोल्दै सिप्रदी ट्रेडिङ्ग प्रालिका अध्यक्ष सिद्धार्थ एस.जे.बि. रानाले आफूहरुले टाटा मोटर्स्सँग सन् १९८२ देखि सहकार्य गर्दै आइरहेको र हालसम्म टाटा मोटर्स्ले नेपालमा आफ्नो बजार पूर्ण रुपले विस्तार गर्न सफल भएको बताए।
उनले सिप्रदीले नेपालमा टाटा मोटर्स्का उत्पादनहरुको विक्री वितरण तथा विक्री पश्चात्का सेवाहरुमा सधैं उत्कृष्ट साथ दिइरहेको र आगामी दिनहरुमा समेत निरन्तर दिइरहने बताए ।
