शनिबार, १ पुष, २०७४
OnlineKhabar.com

बालकोट पुगेका बाबुराम रिसाएर फर्किए

वाम गठबन्धनबाट बाहिरिने नयाँशक्तिको चेतावनी

अनलाइनखबर

२५ असोज, काठमाडौं । वाम एकता र तालमेल सम्बन्धी गठबन्धनमा सहभागी बनेको नयाँशक्ति पार्टीले गठबन्धनबाट अलग्गिने चेतावनी दिएको छ । केपी ओली र डा. बाबुराम भट्टराईवीच बुधबार भएको छलफल सकारात्मक हुन नसकेपछि नयाँशक्तिले यस्तो चेतावनी दिएको हो ।

बुधबार बालकोटस्थित केपी ओलीको निवासमा छलफलका लागि पुगेका डा. बाबुराम भट्टराईले केन्द्रीय संसदमा आफ्नो पार्टीले १५ सीट पाउनुपर्ने माग गरेका थिए । साथै प्रदेशसभामा ३० स्थान पाउनुपर्ने भट्टराईको माग थियो ।

तर, ओलीले ‘बडो गाह्रो भयो’ भन्दै भट्टराईको माग पूरा नहुने आशय व्यक्त गरेपछि  उनी रिसाएर फर्किएको स्रोतले अनलाइनखबरलाई बतायो ।

एमाले, माओवादी र नयााशक्ति पार्टीवीच वाम एकताको प्रतिवद्धतासहित चुनावी तालमेल गर्ने सहमति भएपछि डा. भट्टराईले १५ सीट आफूहरुले पाउनुपर्ने माग अघि सारेका छन् । केन्द्रीय संसदमा प्रत्यक्ष र समानुपातिक दुबैमा गरी १५ सीट नयाँशक्तिले मागे हो ।

नयाँशक्तिका एक नेताले अनलाइनखबरसँग भने, हामी पूर्वसहमतिप्रति इमान्दार छौं । तर, हृदयेश त्रिपाठी लगायतका नेतालाई तालमेलका लागि सीट छुट्याएजस्तै हामीलाई पनि सम्मानजनक स्थान हुनुपर्छ भन्ने हाम्रो आग्रह हो ।

वाम गठबन्धनमा सहभागी भएका नयाँशक्ति पार्टी लगायतका दललाई सीट छुट्याइसकेपछि बाँकी रहेका सीटमा मात्रै एमाले र माओवादीवीच ६०/४० को भागवण्डा गर्ने सहमति भएको नयाँशक्तिका नेताको दाबी छ ।

तर,  माओवादी केन्द्रका नेताहरुले अहिले पनि बाबुराम भट्टराईमाथि पूर्वाग्रह राखिरहेको र पुरानो तुष कायमै राखेको गुनासो नयाँशक्तिका नेताले गरेका छन् ।

बालकोटबाट फर्केपछि विद्रोहको चेतावनी

बालकोटबाट चित्त दुखाएर फर्केका डा. भट्टराईले दिउँसो १२ बजेतिर बबरमहलस्थित आफ्नो कार्यालयमा नयाँशक्ति पार्टीका नेताहरुको बैठक डाकेका थिए । सो बैठकमा उनले नयाँशक्ति पार्टीलाई सम्मानजनक स्थान दिनका लागि एमाले र माओवादीका नेताहरु अन्कनाइरहेको र आफूहरुलाई अपमानित गर्न खोजेको रिपोर्टिंग गरे ।

बैठकमा सहभागी नयाँशक्तिका केही नेताहरुले आफ्नो मागलाई उपेक्षा गरिए वाम गठबन्धनबाट अलग भई पार्टीको तर्फबाट बेग्लै उम्मेदवारी दिनुपर्ने सुझाव दिए ।

बैठकका क्रममा केही नेताले १५ सीटभन्दा कम लिएर सहमति गरिएमा विभिन्न जिल्लामा स्वतन्त्र एवं बागी उम्मेद्वार उठाउने चेनावतीसमेत पार्टी नेतृत्वलाई दिएका छन् ।

बैठकमा केही नेताले ओली र प्रचण्डबाट अपमानित भएर बस्नुभन्दा वाम गठबन्धन तोडेर नेपाली कांग्रेस वा मधेसवादी दलसँग चुनावी तालमेल गर्नुपर्ने सुझावसमेत दिएको स्रोतले अनलाइखबरलाई बतायो ।

नयाँशक्तिका एक नेताले भने, हामी भोलसिम्म बाटो हेर्छौं, भएन भने यो गठबन्धनबाट हट्न पनि सकिन्छ ।

तालमेलको गृहकार्य शीर्ष तहमै अल्झियो

दशैंका बेलामा तीन दलीय वाम गठबन्धन बनाएका एमाले, माओवादी र नयाँशक्ति पार्टीवीच चुनावी तालमेलका लागि कार्यदलसमेत गठन भएको छ । कार्यदलमा नयाँशक्तिबाट गंगानारायण श्रेष्ठको नाम समावेश भए पनि अहिलेसम्म औपचारिक बैठक बस्न सकेको छैन ।
शीर्ष नेताहरुवीच पहिले सहमति गरेपछि कार्यदलले काम टुंग्याउने भनिए पनि हालसम्म शीर्षनेताहरुमै तालमेलको सहमति हुने नसकेको  एक नेताले अनलाइनखबरलाई बताए ।

२०७४ असोज २५ गते २२:१६ मा प्रकाशित (२०७४ असोज २६ गते ७:५९मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

४ प्रतिकृयाहरू प्राप्त
  • Nepali लेख्नुहुन्छ    |   २०७४ असोज २६ गते ४:२४

    सबै भन्दा पहिला त बाबुराम भट्रराइकेा देशमा कुनै पनि स्थानमा एक स्थान पनि जित्ने सँभाबना नै छैन् । यिन बाम गठबन्धनमा बसे भन्दा नबसे राम्रेा । यिनलाइ कुन अाधारमा १५ सिट दिन मिल्छ हँ ? उनि स्व्यम एक्लै लडे भने गेारखाबाट पनि जित्न नसक्ने भएर बाम एकतामा सहभागि भएकेा घाम जस्तै छर्लङगै छ । अब पनि बटारिए भने त बाबुरामकेा राजनित इतिहास सकियेा । म एमाले भँए । भन्ने चुप लाग्ने अनि नेतृत्वले जे भन्छ त्यहि नगरे गयैा बाबुराम समयमै सेाच यदि राजनितिलाइ नै निरन्तरता दिने हेा भने ।

    44
    8
    Share

  • deshman लेख्नुहुन्छ    |   २०७४ असोज २६ गते ८:३६

    यस्तो पार्टी सीत गतबन्धन गर्नु भन्दा नगरेकै राम्रो। बाबुरामलाई आफै चुनाव लदन देउ। यो नै बाम गतबन्धन लाई फाईदा हुन्छ।

    18
    3
    Share

  • Madan लेख्नुहुन्छ    |   २०७४ असोज २६ गते ९:३९

    Yesta bhagbanda ma lagne vg lante haru le k desh bikas garlan??

    4
    2
    Share

  • shiva लेख्नुहुन्छ    |   २०७४ असोज २६ गते ९:४६

    it would be very better if Baburam Bhattarai goes out from alliance. He can’t do anything to our country, he is the opportunit politician …………..he must out.

    14
    6
    Share

यसमा तपाइको मत




फेसबुकबाट तपाईको प्रतिक्रिया

Also you may like this