३१ असोज, कैलाली । कैलाली प्रहरीले मंगलबार बिहान लागू औषधसहित २ जनालाई पक्राउ गरेको छ । भारतबाट लुकाइ छिपाइ लागू औषध ल्याउँदै गरेको अवस्थामा प्रहरीले उनीहरुलाई पक्राउ गरेको हो ।
त्रिनगर प्रहरी टोलीले चेक जाँच गर्ने क्रममा धनगढी उपमहानगरपालीका वडा नम्बर ४ का २२ वर्षीय भुपेन्द्र भट्ट र डडेल्धुरा दमडा गाउँपालिका–४ का करन भाटलाई पक्राउ गरेको हो । उनीहरुको साथबाट प्रहरीले २३ ट्याब्लेट स्पास्मो, १२ ट्याब्लेट नाईट्रोभेट, ३ पिस कोपट्याब लागू औषध बरामद गरेको जिल्ला प्रहरी कार्यालय कैलालीका प्रहरी नायब उपरीक्षक वीरबहादुर बुढामगरले जानकारी दिए ।
