३१ असोज, काठमाडौं । प्रमुख प्रतिपक्षी दल नेकपा एमालेसँग वाम गठवन्धन गरेको माओवादी केन्द्रले सरकारबाट बाहिरिने निर्णय गरेको छ । मंगलबार बिहान प्रधानमन्त्री शेरबहादुर देउवालाई भेटेपछि माओवादी अध्यक्ष प्रचण्डले सरकारबाट आफ्ना मन्त्रीहरुलाई फिर्ता बोलाउने सम्वन्धी निर्णयको पत्रमा हस्ताक्षर गरेका छन् ।
सरकार छाडेको जानकारी दिन गृहमन्त्री जनार्दन शर्मा ‘प्रभाकर’ले दिउँसो दुई बजे मन्त्रालयमा पत्रकार सम्मेलन गर्दैछन् ।
प्रधानमन्त्री शेरबहादुर देउवाले राप्रपालाई समेटेर मन्त्रिपरिषद बिस्तार गरेपछि माओवादीले सरकार छाड्न लागेको हो । देउवाले माओवादी मन्त्रीहरुलाई विनाविभागीय बनाउने चेतावनी दिएका छन् ।
माओवादीले वाम गठवन्धनमा भए पनि कांग्रेस नेतृत्वको सरकारलाई दिएको समर्थन कायमै रहने बताउँदै आएको छ ।
तर, प्रधानमन्त्री देउवाले राप्रपालाई सरकारमा सामेल गराएपछि माओवादी केन्द्र असन्तुष्ट बनेको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4