५ कात्तिक, झापा । मेची राजमार्ग अन्तरगत झापाको बुद्धशान्ति गाउँपालिका-७ बर्नेमा मोटरसाइकलको ठक्करबाट ७ वर्षीय बालकको मृत्यु भएको छ । दुई जना घाइते भएका छन् ।
मृत्यु हुनेमा बुद्धशान्ति-४ का बालक बिशाल बुढाथोकी छन् भने मोटरसाइकल चालक स्थानीय २३ वर्षीय कृष्ण ढकाल र पछाडि सवार उनकी श्रीमति २२ वर्षीय पुजा थापा घाइते छन् ।
राजमार्गमा पैदलयात्रा गर्दै गर्दा मे ६ प ९५०५ नम्बरको मोटरसाइकलले ठक्कर दिएको बालकको बिर्तामोडस्थित विएण्डसी हस्पिटलमा उपचारका क्रममा मृत्यु भएको इलाका प्रहरी कार्यालय, बुधबारेले जनाएको छ ।
ठक्कर दिने मोटरसाइकल प्रहरीको नियन्त्रणमा छ ।
