१२ कात्तिक, काठमाडौं । विक्री नभएको हकप्रद सेयरको लिलाम प्रक्रियामा उपत्यका वाहिरवाट समेत आवेदन दिन सक्ने व्यवस्था गर्न धितोपत्र बोर्डले मातहतका सबै निकायलाई निर्देशन दिएको छ ।
बोर्डले यसको लागि हकप्रदमा आस्वा प्रणाली (सेयरमा लगानी गरिने रकम बैंक खातामा नै रोक्का राख्ने प्रणाली) मार्फत लगानी गर्ने व्यवस्था मिलाउन निर्देशन दिएको हो ।
विक्री नभएको हकप्रद सेयरको लिलाम प्रक्रियामा उपत्यका वाहिरका प्रमुख केन्द्रहरु विराटनगर, विरगंज, पोखरा, वुटवल, नेपालगञ्ज, सुर्खेत तथा धनगढीवाट आवेदन दिन सक्ने व्यवस्था गर्न पनि बोर्डले भनेको छ ।
बोर्डले मातहतका सबै निकायलाई समयमै त्रैमासिक प्रतिवेदन बुझाउन पनि निर्देशन दिएको छ ।