२५ मंसिर, नयाँ दिल्ली । कांग्रेस पार्टीको अध्यक्षमा राहुल गान्धी निर्विरोध चुनिएका छन् ।
पार्टी अध्यक्ष पदको प्रस्तावित चुनावका लागि उम्मेदवारी दिन सोमबार अन्तिम दिन थियो र कसैले पनि राहुललाई चुनौती दिएनन् ।
कांग्रेस नेता मुल्लापल्ली रामचन्द्रनले भनेका छन्, ‘केबल एक उम्मेदवार मैदानमा छन् । यसैले म भारतीय राष्ट्रिय कांग्रेसको अध्यक्ष पदमा राहुल गान्धी निर्वाचित भएको घोषणा गर्छु ।’
राहुल यस्तो बेला पार्टी अध्यक्ष चुनिएका छन्, जतिबेला कांग्रेस मुक्त भारतको कुरा गर्ने भाजपाको केन्द्रका साथै थुप्रै राज्यमा सरकार छ र केहीले कांग्रेसको अस्तित्वमै प्रश्न उठाएका छन् ।
