२४ पुस, काठमाडौं । काठमाडौंको बाफलमा गएराति यात्रुबहाक बसले पैदलयात्रुलाई ठक्कर दिँदा एक जनाको मृत्यु भएको छ ।
मृत्यु हुनेमा मकवानपुरको चित्लाङ घर भइ बाफल बस्दै आएका २२ वर्षीय विनोद गोले छन् ।
प्रहरी वृत कालीमाटीका अनुसार आइतबार राति साढे करिब साढे ८ बजे बा २ ख १७८१ नम्बरको बसले ठक्कर दिँदा गोलेको मृत्यु भएको हो ।
ठक्कर दिने बसलाई प्रहरीले नियन्त्रणमा लिएको छ भने चालक फरार छन् ।
यसैबीच, काठमाडौंको नयाँबजारमा सोमबार बिहान यात्रुबहाक बसले साइकललाई ठक्कर दिँदा एक जना गम्भीर घाइते भएका छन् ।
प्रहरी वृत सोह्रखुट्टे दिएको जानकारी अनुसार बा २ ख ९४ नम्बरको बसको ठक्करबाट सइकलयात्री गोरखा घर भइ हाल काठमाडौं बस्दै आएका २५ वर्षीय आशीष गुरुङ घाइते भएका हुन् ।
उनको शिक्षण अस्पताल महाराजगञ्जमा उपचार भइरहेको छ । दुर्घटनामा संलग्न सवारीसाधनसहित चालकलाई प्रहरीले नियन्त्रणमा लिएको जनाइएको छ ।
