मंगलबार, २ माघ, २०७४
OnlineKhabar.com

देउवाको नयाँ चालः भित्तामा गगन, प्रवक्तामा विश्वप्रकाश !

कांग्रेसको 'सात भाइ समूह' फुटाउन शेरबहादुर सफल

अनलाइनखबर

२७ पुस, काठमाडौं । पार्टी नेतृत्वलाई चुनौती दिँदै आएका ‘सात भाइ’ को समूहमा ब्रेक लगाउन नेपाली कांग्रेसका सभापति शेरबहादुर देउवा सफल भएका छन् ।

आम चुनावमा कांग्रेसले हार व्यहोरेपछि युवा नेताहरु धनराज गुरुङ, गगन थापा, विश्वप्रकाश शर्माले एकै ठाउँमा उभिएर नेतृत्व परिर्वतनको पक्षमा लविङ सुरु गरेका थिए ।

तर, देउवाले एकाएक विश्वप्रकाशलाई पार्टी प्रवक्ता बनाएसँगै यो समूहमा खैलाबैला मच्चिएको छ ।

देउवाको यो निर्णयलाई नेतृत्व परिर्वतनको माग गर्ने युवाहरुलाई फुटाउने देउवाको रणनीतिका रुपमा लिइएको छ । युवा पुस्ताका विश्वप्रकाशलाई मोहोरा बनाएर युवालाई नै तह लगाउने देउवाको रणनीतिका रुपमा यसलाई हेर्न थालिएको छ ।

एक नेता भन्छन्, हामी जुन उमेर समूहकामा मानिसहरु अहिलेको नेतृत्व नफेरी हुँदैन भनिरहेका थियौं, उनीहरु गलत हुन् भन्न त्यही उमेर समूहका मानिस खडा गरे ।’

किनकि विद्यार्थी राजनीतिबाट आएका गगन थापा कांग्रेसीहरु माझ जति लोकपि्रय छन्, विश्वप्रकाश त्योभन्दा कम छैनन् । युवा नेताका रुपमा एउटाको नाम आउँदा अर्कोको छुट्दैनथ्यो । र, उनीहरु एक ठाउँमा उभिँदा नेतृत्वले थ्रेट फिल गरेका थिए ।

अब प्रवक्ता नियुक्तिसँगै गगनहरुको खण्डन देउवाले होइन, विश्वप्रकाशले गर्नेछन् ।

त्यसको सुरुवात उनले बुधबार पार्टी प्रवक्ताका रुपमा पहिलो पत्रकार सम्मेलनबारे गरिसके । शर्माले भनेका छन्, कि एजले होइन, एजेण्डा हुनेले कांग्रेसको नेतृत्व गर्छ ।

जब कि युवा समूहका नेताहरु आफूले उमेरका कारण नेतृत्व हस्तान्तरणको माग नगरेको बताउँछन् । आफूहरु कांग्रेको साधारण सदस्य मात्र बन्न तयार रहेको भन्दै एक नेता भन्छन्, ‘संविधान निर्माण भइसकेको अहिलेको अवस्थामा जति राम्रो एजेण्डा बनाए पनि यो लिडरसिपलाई जनताले स्वीकार नै गर्दैन भन्ने हो ।’

‘सात भाइ’ मा विश्वप्रकाशको भूमिका

आम चुनावमा कांग्रेसले नराम्रो हार व्यहोरेपछि गगन थापाले अनलाइनखबरलाई दिएको अन्तर्वार्तामा विशेष महाधिवेशन बोलाउन र नेतृत्व हस्तान्तरणको माग गरेका थिए ।

यो मागमा सहमत हुनेहरु बढे र पुस १६ सम्म आइपुग्दा कांग्रेसमा ‘सात भाइको समूह’ नै बन्यो । सात भाइ समूहमा धनराज गुरुङ, बद्री पाण्डे, गुरु घिमिरे, गगन थापा, प्रदीप पौडेल, चन्द्र भण्डारी र र विश्वप्रकाश शर्मा थिए ।

एक नेताका अनुसार राष्ट्रिय मेलमिलाप दिवसको दिन विहानै सातभाइ समूहबाट वक्तव्य निकाल्ने योजना थियो र ड्राफ्ट तयार भइरहेको थियो । ‘विश्व दाइ राजधानी बाहिर रहेकाले मैले हेर्नुपर्छ भन्नुभयो र विहान वक्तव्य आएन’ एक नेताले अनलाइनखबरसँग भने ।

सुरुमा तयार पारेको ड्राफ्टको भाषा कडा थियो, जसमा विश्वप्रकाश सहमत भएनन् । साँझ उनकै उपस्थितिमा वक्तव्य तयार भयो, जसमा विशेष महाधिवेशनको सट्टा महासमिति बैठक माग गरियो । ‘विश्वदाइलाई टिममा राख्न वक्तव्यलाई केही कमजोर बनाउन पनि हामी तयार भयौं’ एक नेताले भने ।

तर, संयुक्त वक्तव्य आएपछि ‘सात भाइ’को टिमले गरेको छलफल तथा अन्तरक्रियामा विश्वप्रकाश अनुपस्थित रहे । उनी मंगलबार एकाएक पार्टी प्रवक्ता नियुक्त भए ।

प्रवक्ताको नियुक्ति लिनुअघि शर्माले आफ्नो समूहका नेताहरुलाई सुइँको समेत दिएका थिएनन् ।

नेविसंघको अध्यक्ष हुँदै कांग्रेसको राजनीतिमा आएका विश्वप्रकाश तार्किक युवा नेता हुन् । उनलाई जिल्ला सभापति र सांसदको चुनाव भने उनलाई फापेको छैन ।

उनी लामो समयसम्म शशांक कोइराला निकट मानिन्थे । तर, १३ औं महाधिवेशनमा देउवा समूहबाट केन्द्रीय सदस्य भए । कांग्रेस नेताहरुका अनुसार महाधिवेशनमा देउवा र शशांकको टिम बनाउने प्रयास गर्नेमध्ये उनी एक थिए ।

फरक गुटबाट आएको भए पनि पछिल्लो समय देउवा र शशांक नजिकिएका छन् । प्रवक्तामा विश्वप्रकाशको नियुक्तिलाई यसको पनि भूमिका मानिन्छ ।

गगन समाचारमा मात्र प्रवक्ता !

विश्वप्रकाश प्रवक्ता बन्नुभन्दा डेढ/दुई महिनाअघि गगन थापा कांग्रेसको प्रवक्तामा नियुक्त भएको खबर आएको थियो । यसको न कांग्रेस त्यसको खण्डन गर्‍यो, न गगनले नै ‘होइन’ भने । बरु उल्टै थुप्रै दिन उनले बधाइ खाए ।

नेताहरुका अनुसार प्रधानमन्त्रीसमेत रहेका शेरबहादुर देउवाले चुनाव अघि गगनलाई प्रवक्ता बनाउँछु भनेका थिए ।

गगनले पनि त्यसलाई स्वीकार गरेका थिए । वरिष्ठ नेता रामचन्द्र पौडेल, महेश आचार्य लगायतका नेताहरु सम्मिलित बैठकमा नै देउवाले गगनलाई प्रवक्ता बनाउने कुरा गरेका थिए ।

स्रोतका अनुसार प्रवक्ता नियुक्तिको पत्र पार्टी कार्यालयबाट बालुवाटार पुगेपछि यो खबर चुहिएको थियो । तर, देउवाको टिमले गगनलाई स्वीकार गरेन । प्रकाशशरण महत, बालकृष्ण खाँड र आरजु देउवाको टिम मिलेर पत्र नै गायब पारियो ।

प्रधानमन्त्री देउवाले गगनलाई बोलाएर ‘तपाईलाई (प्रवक्ता) बनाउन खोजेको मिलेन यार’ भनेका थिए । त्यसपछि थापालाई निर्वाचन प्रचार प्रसार समितिको प्रमुख आश्वासन दिइयो । तर, त्यो पनि पूरा भएन ।

देउवा टिमको अब्जेक्सनपछि गगनलाई बालकृष्ण खाँड संयोजक रहेको निर्वाचन परिचालन कमिटी मातहतको प्रचार समितिको संयोजक भनियो । तर, उनले न नियुक्तिको चिठी पाए, न त जिम्मेवारी नै ।

अन्ततः प्रचण्डलाई भित्ते राष्ट्रपति बनाएझै गगन थापा पनि समाचारमा मात्रै प्रवक्ता’ मात्र बने ।

२०७४ पुष २७ गते १४:५५ मा प्रकाशित (२०७४ पुष २८ गते ७:५६मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

८ प्रतिकृयाहरू प्राप्त
  • Prabesh लेख्नुहुन्छ    |   २०७४ पुष २७ गते १४:२०

    देउवा : “चुनाब जिताउन पो गगन चाहिन्छ

    चुनाव पछी गगन क काम “

    10
    1
    Share

  • janak लेख्नुहुन्छ    |   २०७४ पुष २७ गते १४:५१

    उहिले गगगन थापा खुब चम्किन्थे, कही नभएको राष्ट्रबादी भाथे, नाकाबन्दी, मधेशको आतंकको बिरोध, लोकमानको बिरोध गर्थे, म पनि केसी झै पागल हुँं भन्ने टि सर्ट भिरेर सडकमा खुब तमाशा पनि देखाये। यसले धेर फुर फुर गर्‍यो भनेर शेर्बादुर्ले मन्त्री पदको झट्टी हान्दिएपछि यिनको थुतुनो ट्याप्पै टालियो। अस्तीसम्म निर्वाचनमा पार्टी शर्मानाक हारेको जिम्मा लिदै शेर्बादुरले सभापतिबाट राजिनामा दिनु पर्छ, महाधिबेसन बोलाउनु पर्छ भन्ने विश्वप्रकाशलाई पार्टी प्रवक्ताको झट्टी हान्दिएछन, अहिले त महाधिबेसन राजिनामा केही चाहिदैन भन्दैछन। फेरी उही सन्दर्भ – काङ्रेस सबै एउटै जिनिस हुन, थुतुनो मात्र फरक, नाइटो एउटै हो। copied

    1
    0
    Share

  • madhab koirala लेख्नुहुन्छ    |   २०७४ पुष २७ गते १५:५८

    तित्राको मुखै बैरी भनेझै भयो गगन थापालाई| कस्ता कस्ता लाटाबुंगा ले पनि प्रधानमन्त्री चलाउन सक्ने यो देशमा जुनसुकै जिम्मेवारी पाएपनि कुशलातापुर्बक चलाउन सक्ने योग्यता गगनसंग छ तर उनको उत्ताउलोपनले उनी परिपक्क भैनसकेको बुझाउछ| अब उनले अलि गम्भीर र शालीन बन्ने प्राक्टिस गर्नु जाति होला|

    0
    0
    Share

  • Raj लेख्नुहुन्छ    |   २०७४ पुष २७ गते १६:१३

    विश्वप्रकाश शर्मा जस्ता स्वच्छ छवि भएका युवा नेताले बोली फेरेर सारै नराम्रो गरे
    अब गगन थापालाई मेरो सुझाव फोहोरी खेल खेल्ने कांग्रेसलाई लात्ती हानेर विवेकशील तिर पो लाग्ने हो कि ?

    21
    3
    Share

  • Umesh sharma लेख्नुहुन्छ    |   २०७४ पुष २७ गते १६:२९

    गगन वास्तबमा पार्टी भित्र भन्दा बाहिर लोकप्रिय हुनसक्छन,मिडिया कर्मी पनि गगन कै समाचार बडी बनाउछन! तर गगन मा सबैलाई मिलाएर लैजाने खुबी छैन ! उनी अरुलाई गालीगरेर आफु राम्रो भएको प्रमाणित गर्ने कोशीस गर्छन् ! जुन बेला उनी चर्चित हुँदै थिए त्यो बेला पनि गिरिजा प्रसाद लाई चर्को गाली गर्थे ! अहिले पनि आफु दोष बाट पंक्षिन शेर बहादुर लाई गाली गर्न तिर लागे तर आफु पनि केन्द्रिय समिती मा छु भन्ने भुले !!त्यसैले अरुलाई गाली गरेर वा आलोचना गरेर भन्दा सबैलाई समेटेर लैजान खोज्नु कुशल नेता को गुण हुन सक्छ !!!!

    18
    10
    Share

  • Rabin Marmali लेख्नुहुन्छ    |   २०७४ पुष २७ गते १८:२८

    Deuba le Gagan Thapa laai hoina ki Kangresh parti ra afailaai bhitta ma puryaeka hun aba arko chunaw samma Deuwale Kangresh ko netritwa garne ho bhane Neka bhanne parti sakinchha lekher raakhnush.

    10
    2
    Share

  • Nepali लेख्नुहुन्छ    |   २०७४ पुष २७ गते २०:२४

    अब देउबा को चाकडी शुरु भयो| Indian Embassy को महिनावारी त्यागेर सच्चा नेपाली हुन सकिन्न? धनराज गुरुङले बाहेक नाकाबन्दी ताका भारतको मौन समर्थन गरेको जनता ले बिर्सेका छैनन्|

    0
    0
    Share

  • Naren Karki लेख्नुहुन्छ    |   २०७४ पुष २७ गते २१:२४

    बिश्वोप्रकाश काङ्रेशीहरु बाहेकका जनरुचीका ब्यक्तित्वो हुन जस्तो लाग्दैन जती गगन हुन र गगन जस्ता ब्यक्तिहरुले बस्ने पार्टी काङ्रेश हुँदै होइन, हो त केबल बिबेकशील साझा ।

    1
    1
    Share

यसमा तपाइको मत




फेसबुकबाट तपाईको प्रतिक्रिया

Also you may like this