चलचित्र ‘पशुपति प्रसाद’बाट चुलिएको क्रेजलाई बचाउन कलाकार खगेन्द्र लामिछानेलाई त्यति सजिलो छैन । चलचित्र ‘धनपति’बाट उनले त्यो क्रेजलाई उकास्न सकेनन् । अब, उनी दर्शकमाझ नयाँ चलचित्र ‘डमरुको डण्डीबियो’ लिएर आउँदैछन् ।
यो चलचित्रको फस्टलुक रिलिज भएको छ । जसमा, उनी डण्डीबियो खेलिरहेका छन् । नेपालबाट लोप हुँदै गएको यो खेललाई फेरि दर्शकमाझ लिएर आउन यो चलचित्रले महत्वपूर्ण भूमिका खेल्ने अपेक्षा गरिएको छ ।
चलचित्रमा खगेन्द्रका साथमा मेनुका प्रधान, अनुप बराल, वुद्दि तामाङ, लक्ष्मी बर्देवा, अंकित खड्का, नमिता घिसिङ लगायतका कलाकारको मुख्य भूमिका छ । समृद्धि इन्टरटेन्मेन्टको ब्यानरमा निर्माण भएको चलचित्रमा विनोद गुरुङ र सुमी श्रेष्ठ घलेको लगानी छ ।
यो चलचित्रको ७५ प्रतिशत छायांकन लमजुङको घले गाउँमा नै गरिएको छ । छेतन गुरुङले निर्देशन गरेको चलचित्रको कथा खगेन्द्रले नै लेखेका हुन् । चलचित्रमा पि्रतम पाण्डेको सम्पादन, कालिप्रसाद बाँस्कोटाको संगीत, हरि हुमागाँइको छायांकन छ । चलचित्रको प्रदर्शन मिति तय गरिएको छैन ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4