म्यूजिक भिडियोमा निर्देशक निकेश खड्काले कथा खोज्छन् । ‘बहुला, छोरी अन्माउँदा’ जस्ता भिडियोले पनि उनको कथात्मक प्रस्तुतिलाई छल्काइसकेका छन् । उनै, निकेशले फरक शैलीमा ‘मुखौटा’ बोलको गीतको म्यूजिक भिडियो तयार पारेका छन् ।
निर्देशक निश्चल बस्नेतको निर्देशनमा तयार भएको चलचित्र ‘लुट’बाट यो भिडियो प्रभावित छ, जसमा बैंक लुट्ने लुटेराहरुको कथालाई प्रस्तुत गरिएको छ । सनुप पौडेल र कल्याण सिंहको स्वर रहेको गीतमा मनिष बशिष्टको शब्द र कल्याण सिंहको संगीत छ ।
भिडियोमा विवेकसिंह ठकुरी, वृन्दा कठायत, गौरवजंग राणा, प्रशन्न, सुवास गुरुङको अभिनय छ । बुद्ध तामाङको छायांकन रहेको भिडियोमा विकास दाहालको सम्पादन छ ।
