Comments Add Comment

विराटनगरलाई क्लिन सिटी बनाउने अभियान सुरु

मेयर आफै खटिए सरसफाइमा

२० फागुन, विराटनगर । विराटनगरलाई क्लिन सिटीको रुपमा विकास गर्ने अभियान सुरु गरिएको छ ।

क्लिन सिटी बनाउने अभियानमा महानगरले युवाहरुसँग जोडिएका ५० भन्दा बढी संघसंस्थाहरुको सहकार्यमा अभियानलाई अगाडि बढाइएको हो ।

औद्योगिक नगरी समेत रहेको विराटनगर फोहर मेलाका कारण दुर्गाधित बनेपनि महानगरपालिकाका मेयर भीम पराजुली आफै सडकका फोहर सफा गर्ने अभियानमा जुटेका छन् ।

विराटनगरको बी प्लटमा आइतबार एक कार्यक्रमको आयोजना गरेर मेयर पराजुलीले अभियानको शुभारम्भ गरेका थिए ।

महानगरको अगुवाइमा दाह्री समूह, बिङ नेपाली, युथ नेपाल, नेप्लिज टिन्सको लगायत संस्थाले क्लिन सिटी बनाउने अभियानमा सहकार्य गरेका छन् ।

क्लिन सिटी बनाउने अभियानको पहिलो दिन ठूलो संख्यामा युवा युवतीहरुको सहभागिता नगरका विभिन्न क्षेत्रमा सफाइ गरिएको छ ।
सफाइको अभियानलाई आगामी दिनमा समेत निरन्तरता दिइने महानगरले जनाएको छ ।

सडकका पेटी तथा सडकको दायाँवायाँ रहेको फोहर उठाउने कार्यमा मेयर पराजुली आफै जुटेका थिए ।

मेयर पराजुलीलाई नगर सफाइका क्रममा संस्थाको अभियान्ताहरुले सहयोग गरेका थिए ।

सडकमा पान पराग गुटखा तथा कागज तथा प्लास्टिकजन्य फोहरहरु वढिमा मात्रामा भिटिएका थिए ।

महागनरपालिकाका नगरप्रहरीहरु समेतले फोहर उठाउने अभियानमा सहयोग गरेका थिए ।

मेयर पराजुलीसहितको टोलीले बी प्लट, मेन रोड, पत्रकार महासंघ, शनसारी माईस्थान तथा जलजला चौक लगायतका सडकका पेटी तथा छेउछाउमा रहेका फोहर सफा गरेका थिए ।

महानगरका अनुसार नगर क्षेत्रबाट दैनिक ९० देखि १ सय टन फोहर उत्पादन हुँदै आएको छ । जसमा १० प्रतिशत अस्पतालजन्य फोहर हुने गरेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment