सन् २०१९ को इदमा रिलिज हुने गरि नायक सलमान खानले चलचित्र ‘भारत’को छायांकन सुरु गरेका छन् । यो चलचित्रमा उच्च भीएफएक्स हुने भएकाले पनि छायांकन सुरु गरिएको हो ।
सलमान अर्को चलचित्र ‘रेश ३’मा पनि व्यस्त हुनेछन् । ‘भारत’लाई अली अब्बास जब्बरले निर्देशन गर्दैछन् । जसले सलमानसँगै चलचित्र ‘सुल्तान र टाइगर जिन्दा हे’मा काम गरेका थिए ।
यो चलचित्रलाई टी-सिरिजले निर्माण गर्दैछन् । यो चलचित्रका लागि लामो समयदेखि नायिकाको खोजी भैरहेको छ । अब, यो चलचित्रको टिमले नायिका प्रियंका चोपडालाई फाइनल गरेको छ ।
हलिउडमा प्रवेश गरेपछि नायिका चोपडाले बलिउड चलचित्र खेलेकी छैनन् । यसैले, पनि यो चलचित्र उनका लागि बलिउड कमब्याक नै हो ।
चलचित्रमा नायिका कट्रिना कैफ पनि हुने चर्चा छ । तर, नायिका चोपडा र नायक खानको जोडी फाइनल भएको छ ।
चलचित्रको छायांकन सोमबारदेखि सुरु भएको हो । यो चलचित्रमा नायक सलमान खानलाई बच्चादेखि बुढासम्मको उमेरमा देखाइनेछ । राष्ट्रियताको कथामा यो चलचित्र बन्नेछ ।
