१० बैशाख, झापा । झापा क्षेत्र नं. ४ का प्रतिनिधिसभा सदस्य एलपी साँवा लिम्बूले १० जना विद्यार्थीलाई विद्यालय भर्ना गराएका छन् ।
उनले झापा गाउँपालिका–४ स्थित डिल्लीराज माविका सुस्मीता कुमारी माझी, गौरव माझी, प्रदिप माँझी र तापस उराउ, झापा गाउँपालिकाकै त्रिभुवन आधारभूत विद्यालयका ओमनकुमार कोच, प्रिन्सका काहार, दिपेश कोच, अनुपम कुमार मुखिया, जैचन माझी र सरीता हास्दाको अभिभावकत्व ग्रहरण गरेका हुन् ।
उनले ती १० विद्यार्थीहरुलाई त्यहाँ पढुञ्जेल पठनपाठनका लागि आवश्यक सम्पूर्ण शैक्षिक सामग्रीसहित दुई जोर विद्यालय पोशाक समेत दिने बताए ।
दुवै विद्यालयमा अलगअलग कार्यक्रम गरेर उनले विद्यार्थी भर्ना गरेसँगै यो शैक्षिक सत्रका लागि आवश्यक पर्ने शैक्षिक सामग्रीका साथै विद्यालय पोशाक समेत वितरण गरेका छन् ।
