शुक्रबार, ४ साउन, २०७५
OnlineKhabar.com
Suzuki

मरिष्कासँग मज्जाले रोमान्स गर्न नपाएको कविरको गुनासो (भिडियो)

'कुर्ता लगाउने यूवतीसँग हुरुक्कै हुन्छु'

Suzuki
अनलाइनखबर

बैशाख २८ गतेबाट रिलिज हुन लागेको चलचित्र ‘लम्फू’ को शिर्ष भूमिकामा काम गरेका नव-नायक कविर खड्काको सानैदेखि हिरो बन्ने सपना थियो । चलचित्रको हिरो बन्नका लागि उनी फिल्म कलेजमा भर्ना भए ।

सुरुमा त उनलाई अभिनय जाबो के हो र भन्ने लागेको थियो । तर, अभिनय पढ्दै गर्दा उनलाई आफूलाई त केही पनि नआउने रहेछ भन्ने लाग्यो ।

चलचित्रमा काम गर्नका लागि उनले अडिसन पनि धेरै दिएका छन् । तर, कहिले अडिसन दिएका चलचित्र नबन्ने त कहिले रिजेक्ट हुँदा उनलाई हैरानी नै भएको थियो ।

कविरसँग गरिएको ‘फ्रेस फेस’ कुराकानीको भिडियो यहाँ हेर्नुहोस्ः

तर, चलचित्र ‘लम्फू’का लागि दिएको अडिसनमा पास भएपछि कविर सो चलचित्रको नायक बने र आफ्नो सपना पुरा गरे । तर, उनलाई लामो यात्रा गर्नुछ । उनी भन्छन्-‘लम्फू युवाहरुको कथा हो । उद्देश्यविहिन यूवाहरुको पीडा र उनीहरुको यात्राको कथामा फिल्म बनेको छ । मैले, आफ्नो शतप्रतिशत काम यसमा गरेको छु ।’

कविरले ‘लम्फू’ चल्ने आधार के देखेका छन् त ? उनले उल्टै सोधे, ‘चलचित्र चल्ने आधार यही नै हो भनेर म कसरी भन्न सक्छु र ?’ कविर यो चलचित्र रिलिज अगाडि अन्य चलचित्रमा हात नहाल्ने मुडमा छन् । त्यसो त उनलाई लभ स्टोरी चलचित्र खेल्ने रुची छ । यस्तो चलचित्रमा आफूले अझ धेरै काम गर्न सक्छु भन्ने उनलाई लाग्छ । ‘लम्फू’मा उनले नायिका मरिष्का पोख्रेलसँग रोमान्स गरेका छन् ।

तर, चलचित्रको कथावस्तु भिन्न भएकाले धेरै रोमान्स गर्न नपाएको बताउने कविरले फेरि मरिष्कासँग नै एकपटक रोमान्स गर्न मन लागेको बताए ।

कुर्ता लगाएकी यूवती देखेपछि हुरुक्कै हुने कविर जीवनमा प्रेममा नपरेको बताउँछन् । उनले भने-‘एकतर्फी प्रेम त धेरै भयो । तर, मैले प्रेम प्रस्ताव नै राख्न सकिनँ ।’

२०७५ वैशाख १२ गते १५:३७ मा प्रकाशित (२०७५ वैशाख १३ गते १२:३८मा अद्यावधिक गरिएको)
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this