शुक्रबार, ११ जेठ, २०७५
Ruslan
OnlineKhabar.com
Suzuki

डेटलाइन जनकपुरः जानकी मन्दिरदेखि रंगभूमिसम्म जे देखियो

संघीयताको कुरुप कूटनीतिक अभ्यास रोक्ने कि अभिशाप बोक्ने ?

Suzuki

जनकपुर विमानस्थलमा उत्रिएर बाहिर निस्कनै लाग्दा मुख्यद्धारमै प्रदेश २ को सरकारले भारतीय प्रधानमन्त्री नरेन्द्र मोदी र नेपालका प्रधानमन्त्री केपी शर्मा ओलीलाई मैथिली भाषामा लेखिएको स्वागत ब्यानरसहित स्वागतद्धारा बनाएको छ । प्रदेशको राजधानीमा प्रदेश सरकारले स्वागत गेट र ब्यानरहरु बनाउनु स्वभाविक हो ।

भारतीय प्रधानमन्त्री नरेन्द्र मोदीको जनकपुर भ्रमणका क्रममा प्रदेश सरकारको सक्रियता रहरलाग्दो थियो । हुन त मोदी हाम्रा प्रधानमन्त्रीको निमन्त्रणमा नेपाल भ्रमणमा आएका हुन् । स्वभाविक रुपमा संघीय सरकारका पाहुनाका रुपमा मोदी जनकपुर आएका थिए । तर, प्रदेश सरकारले मोदी सत्कारका लागि हदैसम्म मेहनत गरेको देखियो ।

जनकपुरमा नदेखिएको परराष्ट्र संयन्त्र

सामान्यतः विदेशी राष्ट्रप्रमुख र सरकार प्रमुखको भ्रमणको चाँजोपाँचो परराष्ट्र मन्त्रालयले मिलाउने हो ।

जनकपुरमा कम्तिमा पनि हामी पत्रकारले चाहीँ परराष्ट्र मन्त्रालयको कुनै संयन्त्र फेला पार्न सकेनौं । मोदी भ्रमणबारे जनकपुरमा कुनै कुरा सोध्नु परेमा प्रदेश सरकारका मुख्यमन्त्री र मन्त्री वा जनकपुर उपमहानगरपालिकाका मेयर फोकल पर्सन जस्ता देखिए ।

बरु वीरगञ्जस्थित भारतीय महावाणिज्यदूतावासले मोदी भ्रमणको अघिल्लो दिन पत्रकार सम्मेलन गरेर कार्यक्रमहरुबारे जानकारी दियो । तर, हाम्रो परराष्ट्र मन्त्रालयका कुनै पनि अधिकारीले पत्रकार सम्मेलन त परै जाओस्, ,पत्रकारसँग सम्पर्क गर्न पनि चाहेनन् वा उनीहरुको उपस्थिति नै थिएन । परराष्ट्रमन्त्री प्रदीप ज्ञवालीले सम्बन्धित जिम्मेवारी प्राप्त अधिकारीहरुसँग यसबारेमा अवश्य सोधपुछ गर्ने अपेक्षा गरौं ।

यो प्रसंग किन ल्याउनुपर्‍यो भने मोदीलाई जनकपुर उपमहानगरको तर्फबाट दिइएको नागरिक अभिनन्दन समारोहमा प्रदेश २ का मुख्यमन्त्री लालबाबु राउतको अभिव्यक्ति विवादमा पर्‍यो ।

मुख्यमन्त्री राउतको अभिव्यक्ति विवादमा परेको वा पारिएको भन्दा पनि विवादस्पद लिखित भाषण किन पढ्न दिइयो भन्ने प्रश्न मुख्य बनेको छ । यसमा मुख्यमन्त्रीलाई मात्र आरोप लगाएर संघीय सरकारले उन्मुक्ति पाउँदैन

मुख्यमन्त्री राउतको अभिव्यक्ति विवादमा परेको वा पारिएको भन्दा पनि विवादस्पद लिखित भाषण किन पढ्न दिइयो भन्ने प्रश्न मुख्य बनेको छ । यसमा मुख्यमन्त्रीलाई मात्र आरोप लगाएर संघीय सरकारले उन्मुक्ति पाउँदैन ।

मुख्यमन्त्रीको कूटनीतिक अराजकता

मात्रिका पौडेल

नेपालको संविधानले परराष्ट्र सम्बन्धको सम्पूर्ण अधिकार संघीय सरकारलाई तोकेको छ । कुनै पनि मुख्यमन्त्री वा स्थानीय तहका प्रतिनिधिले परराष्ट्र मन्त्रालयको स्वीकृति वा सहभागिता बिना विदेशी एजेन्सीका अधिकारीहरुलाई समेत भेट्न पाउँदैनन् ।

मुख्यमन्त्रीको काम आफ्नो प्रदेशमा आएका विशिष्ठ पाहुनालाई सँंघीय सरकारको तालिका अनुसार आतिथ्य प्रदान गर्नु हो । तर, प्रधानमन्त्री ओलीको पाहुना बनेर जनकपुर आएका भारतीय प्रधानमन्त्री सामू मुख्यमन्त्रीले आन्तरिक मामिलामा आपत्तिजनक र गैर कूटनीतिक अभिव्यक्ति दिएर कूटनीतिक अराजकता प्रदर्शन गरे ।

जुन संविधानको कसम खाएर मुख्यमन्त्रीको सपथग्रहण गरे, त्यहि संविधान र विशुद्ध आन्तरिक असन्तुष्टिका विषयमा भारतीय प्रधानमन्त्रीलाई ‘प्रभोक गर्ने’ हिसाबले दिएको अभिव्यक्तिले कूटनीतिक मर्यादाको धज्जी उडाएको छ ।

मुख्यमन्त्रीको अभिव्यक्तिप्रति कार्यक्रम लगत्तै रक्षामन्त्री ईश्वर पोखरेल र भौतिक पुर्वाधारमन्त्री रघुवीर महासेठले अनौपचारिक रुपमा आपत्ति जनाएको कुरा आयो । भारतीय प्रधानमन्त्री मोदी विगतमा जस्तो यसपटक नेपालको आन्तरिक मामिलामा प्रवेश गर्नै चाहेनन् ।

तर, मन्त्रीको आपत्ति वा मोदीको मौनताले मात्र मुख्यमन्त्रीको अभिव्यक्ति प्रकरण सामसुम हुन सक्दैन । यो मामिला परराष्ट्र मन्त्रालयले अवश्य पनि नोटिसमा लिएको हुनुपर्छ । मोदी फर्किए लगत्तै प्रधानमन्त्रीले परराष्ट्रमन्त्रीसँग परामर्श गरेर मुख्यमन्त्रीलाई सचेत गराइएन भने संघीय नेपालको कूटनीतिक मामिला भाँडतन्त्रमा परिणत हुनेछ । आज मधेसीमाथि विभेद भयो भनेर भारतीय प्रधानमन्त्रीसँग एउटा मुख्यमन्त्रीले गुनासो गरेका छन् । भोलि अर्को मुख्यमन्त्रीले हिन्दू राज्य चाहियो भन्लान् । यस्ता बहुरुपी मुख्यमन्त्रीहरु नेपालमा अब वर्षौंसम्म देखिनेछन् ।

विशेष पास बोकेर जानकी मन्दिरमा हुर्मत

जनकपुरमा मोदीको स्वागत सत्कारमा प्रदेश सरकारले जुन सक्रियता देखायो, त्यसले केन्द्र सरकारलाई सहयोग नै भयो होला ।

यतिसम्मकी परराष्ट्र मन्त्रालयले जारी गर्नुपर्ने सुरक्षा पास पनि प्रदेश सरकारले बितरण गर्‍यो । परराष्ट्र मन्त्रालयको डेस्कले गर्नुपर्ने काम प्रदेश मुख्यमन्त्री र मन्त्रीहरुको निवासबाट भइरहेको थियो ।

जुन संविधानको कसम खाएर मुख्यमन्त्रीको सपथग्रहण गरे, त्यहि संविधान र विशुद्ध आन्तरिक असन्तुष्टिका विषयमा भारतीय प्रधानमन्त्रीलाई ‘प्रभोक गर्ने’ हिसाबले दिएको अभिव्यक्तिले कूटनीतिक मर्यादाको धज्जी उडाएको छ

पत्रकारहरुले प्रेस पास परराष्ट्र मन्त्रालयबाट होइन प्रदेश सरकारका एकजना मन्त्रीको निवासबाट निकै कष्ठ गरेर लिनुपर्‍यो । प्रदेश सरकारले पत्रकार प्रवेश पासमा समेत सिण्डिकेट लगाएको थियो ।

प्रदेशका मन्त्रीहरुले आफ्ना आसेपासे र कार्यकर्तालाई मोदीसँग भेटाउन विशेष पास बाँडे, जसका कारण जानकी मन्दिर परिसरमा बिजेपी कार्यकर्ताको शैलीमा विशेष पासधारीले मोदी जिन्दावादको नारा लगाएर मुलुकको कूटनीतिको हुर्मत लिए ।

प्रदेश मन्त्री कि नगरपालिकाका एमसी ?

भारतीय प्रधानमन्त्री मोदीको नागरिक अभिनन्दन जनकपुर उपमहानगरपालिको गरेको थियो । तर, कार्यक्रमको सञ्चालक थिए प्रदेश सरकारका भौतिक पुर्वाधार मन्त्री जितेन्द्र सोनल । नगरपालिकाको कार्यक्रमको उद्घोषक प्रदेश मन्त्री बन्नु लाजको पसारो होइन ?

अझ उद्घोषक नै दौडेर मोदीले अभिनन्दनपत्र बुझ्दा फोटोको फ्रेममा पर्ने गरी गइरहेको दृष्य पनि देखियो । जितेन्द्र सोनाल प्रदेश सरकारका मन्त्री हुन् कि नगरपालिकाका एमसी (उद्घोषक) हुन् भन्ने प्रश्न पनि धेरैले गरे ।

मोदीको अभिनन्दनलाई भव्य बनाउन प्रदेश सरकारले आठै जिल्लाबाट सर्वसाधारण जम्मा गर्ने निर्णय औपचारिक रुपमा गरेको थियो । मुख्यमन्त्रीको संयोजकत्वमा १ हजार १ सय सदस्यीय मूल समारोह समिति बनेको थियो । जबकी आयोजक चाहिँ उपमहानगरपालिका थियो । मेयरको संयोजकत्वमा बन्नुपर्ने समिति मुख्यमन्त्रीको संयोजकत्वमा बनाइएको थियो ।

आज मधेसीमाथि विभेद भयो भनेर भारतीय प्रधानमन्त्रीसँग एउटा मुख्यमन्त्रीले गुनासो गरेका छन् । भोलि अर्को मुख्यमन्त्रीले हिन्दू राज्य चाहियो भन्लान् । यस्ता बहुरुपी मुख्यमन्त्रीहरु नेपालमा अब वर्षौंसम्म देखिनेछन्

मेयर लालकिशोर साहले अभिनन्दपत्र बुझाउँदा पनि प्रदेशका मुख्यमन्त्री र मन्त्रीहरु तम्रपत्र समाउन पुगिरहेका थिए ।

जनतालाई किन ढाँटियो ?

महोत्तरी र धनुषाबाहेक अन्य जिल्लाका स्थानीय तहलाई कम्तिमा दुई गाडी सर्वसाधारण ल्याउन निर्देशन दिइएको थियो । जनकपुर उपमहानगरले सहभागीको खाना र प्रदेश सरकारले पिउने पानीको व्यवस्था गर्ने भनेर बोलाइयो । तर, विहान ५ बजेदेखि अपरान्ह २ बजेसम्म ३७ डिग्री गर्मीमा बृद्धबृद्धा पानी समेत खान नपाएर कतिपय बेहोस भए ।

उनीहरुले खान र पिउन त पाएनन् नै, कार्यक्रम सकिएपछि फर्किने गाडी समेत नपाएर अलपत्र परेपछि आफूहरुलाई झुक्याइएको गुनासो गरे । आफ्नो जिम्मेवारीभन्दा बाहिर गएर मोदीको स्वागतमा तामझाम गर्ने प्रदेश सरकारले आफ्ना नागरिकप्रति यो हदसम्म गैरजिम्मेवार व्यवहार हुँदा पनि मुख्यमन्त्री र मन्त्रीहरुले माफी मागेनन् ।

संघीय सरकारलाई गतिलो पाठ

संघीय सरकारका लागि यी साना तर, भविष्यका लागि पाठ बन्ने खालका प्रतिनिधि घटना हुन् । जनकपुरमा प्रदेश सरकार हाबी भएको वा केन्द्र सरकार निरीह भएको हो ? यो प्रश्न धेरैले उठाएकै हुन् ।

संंघीयताको अभ्यास भनेको आन्तरिक विकास, साझेदारी र समृद्धिका लागि हो । तर, यहाँ त संघीयताको नाममा कूटनीतिको कुरुप अभ्यासको शुरुवात भएको छ । प्रश्न उठेको छ–कुरुप कुटनीति भोग्न नेपाल अभिशप्त हुने कि ? जनकपुर प्रकरणबाट पाठ सिकेर संघीय सरकारले प्रदेश र स्थानीय सरकारलाई कूटनीतिक आचारसंहिताको तालिम दिने हो ? यो प्रश्नमा सबै गम्भिर हुनुपर्छ ।

यी सबै पृष्ठभूमिमा शालिन र परिपक्व स्वभावका परराष्ट्रमन्त्री प्रदीप ज्ञवालीले अवश्य पनि मुलुकको चित्त बुझ्ने गरी आवश्यक कदम चाल्ल्लान् । जनकपुर होस कि मुक्तिनाथ हो, नेपाल भ्रमणका क्रममा मोदीका भेटघाट र सार्वजनिक कार्यक्रमहरु परराष्ट्र मन्त्रालयको प्रस्ताव र सहमतिमा तय भएका हुन् र हुनुपर्छ । त्यो भन्दा अन्यथा कुनै हालतमा स्वीकार्य हुँदैन ।

मुख्यमन्त्रीको भाषण किन देखाइएन ?

यस्ता कार्यक्रमको तय हुँदा दुवै पक्षले को को सहभागी हुन्छन्, कसले बोल्छन् भन्ने मात्र होइन बोल्ने विषय समेत के हुने भन्ने जानकारी गराइन्छ । अझ जनकपुर उपमहानगरले दिने नागरिक अभिनन्दनमा नेपाल पक्षबाट कोको बोल्ने भन्ने कुरा परराष्ट्र मन्त्रालयको सहमति बिना अवश्य पनि तय हुन सक्दैन । मुख्यमन्त्रीले बोल्ने तय भएको थियो भने उनले के बोल्ने भन्ने कुरा पनि सरकार लाई थाहा हुनुपथ्र्यो ।

संघीयताको नाममा कूटनीतिको कुरुप अभ्यासको शुरुवात भएको छ । प्रश्न उठेको छ–कुरुप कुटनीति भोग्न नेपाल अभिशप्त हुने कि ? जनकपुर प्रकरणबाट पाठ सिकेर संघीय सरकारले प्रदेश र स्थानीय सरकारलाई कूटनीतिक आचारसंहिताको तालिम दिने हो ?

मुख्यमन्त्री राउतले नागरिक अभिनन्दन समारोहमा लिखित भाषण गरेका थिए । उनको लिखित भाषण परराष्ट्र मन्त्रालयले अनुमोदन गर्नुपर्ने हो । किनकी सरकारले सहमति नगरेका विषयमा राज्यका सरकारी पाहुना समक्ष सार्वजनिक रुपमा बोल्न पाइँदैन । लिखित भाषणको एक प्रति संघीय सरकारलाई दिइयो कि दिइएन ? यो प्रश्नको जवाफ पनि दुवै पक्षबाट आउनुपर्छ ।

मुख्यमन्त्री राउतको आपत्तिजनक अभिव्यक्तिलाई राज्यप्रति मधेशको अशन्तुष्टिका रुपमा लिएर उन्मुक्ति दिइयो भने भोलिका दिनमा नेपालको विदेश नीति समाप्त हुनेछ । राज्यसँग मधेश र मधेशी जनताका धेरै गुनासा छन् । संविधानप्रति पनि मधेशमा अझै असन्तुष्टि छन् । तर, अशन्तुष्टि सुनाउने ठाउँ मोदीको अभिनन्दनस्थल हो कि, सिंहदरवार हो ? यसमा कुनै मोलाहिजा स्वीकार्य हुन्न ।

भारतमा यस्तो हुन्छ ?

भारत भ्रमणका क्रममा प्रधानमन्त्री केपी शर्मा ओली केही समयअघि उत्तराखण्ड पुगेका थिए । भारतको उत्तराखण्डमा नेपालीभाषीहरुको उल्लेख्य बसोबास छ । उनीहरु सुगौली सन्धीअघि नेपालकै नागरिक थिए । त्यहाँ नेपालीभाषीमाथि विभेदको गुनासो पटकपटक आउने गरेका छन् । तर, त्यहाँ पाहुनाका रुपमा गएका नेपालका प्रधानमन्त्रीसँग त्यो विषय कहिल्यै उठ्दैन । किनकी त्यो आन्तरिक मामिला हो ।

डा. बाबुराम भट्टराई प्रधामनमन्त्री भएका बेला भारतको विहार राज्यका मुख्यमन्त्री नितिश कुमार नेपाल आउन खोजेका थिए । नितिशकुमारको विकास मोडल र बाबुरामको विकास मोडलबारे एक अर्कासँग अन्तरक्रिया गर्न चाहेका थिए । तर, तत्कालिन भारतीय सरकारले नितिशकुमारलाई नेपाल आउन दिएन । यस्ता धेरै घटना भारतको कूटनीतिक इतिहासमा छन्, जुन अभ्यासको अनुभवबाट भारत बलियो बनेको छ ।

नेपालको राष्ट्रिय सुरक्षा र विदेश नीतिमा स्थिरता नहुनु हाम्रो अधोगतिको एउटा कारण बन्ने गरेको छ । अन्तर्राष्ट्रिय मञ्चहरुमा नेपालको कमजोर उपस्थिति र हीनभावको एउटा कारण विदेश नीतिमा एकरुपता पनि हो । सरकारहरु आउँछन् र जान्छन् । राजनीतिक दलहरु कहिले सत्तामा हुन्छन्, कहिले विपक्षमा पुग्छन् । तर, विदेश मामिलामा फेरबदल हुनु हुँदैन ।

मुख्यमन्त्री राउतले नागरिक अभिनन्दन समारोहमा लिखित भाषण गरेका थिए । उनको लिखित भाषण परराष्ट्र मन्त्रालयले अनुमोदन गर्नुपर्ने हो । किनकी सरकारले सहमति नगरेका विषयमा राज्यका सरकारी पाहुना समक्ष सार्वजनिक रुपमा बोल्न पाइँदैन

अब मुलुक संघीय अभ्यासमा गइसकेको अवस्थामा विदेश नीतिको सञ्चालन झनै संवेदनशील बन्ने जनकपुर प्रकरणले देखाएको छ । संविधानले तीन तहका सरकारलाई अधिकार सम्पन्न बनाएको छ । तर, परराष्ट्र र रक्षा मामिला भनेको केन्द्र सरकारको बिजेनश हो । सरकारले विदेश मामिलामा सबै तहका सरकारलाई कडा आचारसंहिता र नियमनभित्र राख्न ठोस नीति बनाउन यो प्रकरणले पाठ सिकाएको हुनुपर्छ ।

काठमाडौंको नजर, जनकपुरको नजरिया

अन्तमा यो पनि छुटाउन सकिन्न कि मोदीको भ्रमणलाई हेर्ने काठमाडौंको नजर र जनकपुरको नजरिया एउटै देशभित्रको फरक दृष्टिकोण हो । काठमाडौंमा मोदी आउँदा उनले २ वर्षअघि लगाएको नाकाबन्दी सम्झिएर ब्ल्याक आउट गरियो । जनकपुरमा मोदी आउँदा उनले २ वर्षअघि मधेश आन्दोलनमा जनाएको समर्थन सम्झेर दिपावली गरियो ।

काठमाडौंमा मोदीविरुद्ध सामाजिक सञ्जालमा ट्रेन्डिङ चलिरहँदा जनकपुरमा मोदीको स्वागत र समर्थनमा नागरिक स्वस्फूर्त आफ्नो टोल सजावट र सरसफाइ चलाइरहेका थिए । काठमाडांैंमा मोदी उत्रिँदा सडक सुनसान गराइयो भने जनकपुरमा दशौं हजार जनता जम्मा भए ।

डा. बाबुराम भट्टराई प्रधामनमन्त्री भएका बेला भारतको विहार राज्यका मुख्यमन्त्री नितिश कुमार नेपाल आउन खोजेका थिए । नितिशकुमारको विकास मोडल र बाबुरामको विकास मोडलबारे एक अर्कासँग अन्तरक्रिया गर्न चाहेका थिए । तर, तत्कालिन भारतीय सरकारले नितिशकुमारलाई नेपाल आउन दिएन

एउटै देशभित्रको यो दुईथरी अभ्यासले हाम्रो मुलुकलाई बलियो बनाउछ कि बिभाजित ? यो प्रश्न चाहिँ अनुत्तरित छ ।

यो प्रश्न हाम्रो लागि त छँदैछ, भारतको संस्थापनका लागि पनि हो । आखिर नेपाली मन किन बिभाजित छ भारत सरकार र प्रधानमन्त्री मोदीप्रति ? जसरी मधेश लगायतका नेपालका आन्तरिक मामिलामा मोदीले अर्थपूर्ण मौनता साँधेका छन्, त्यसैगरि नाकाबन्दीप्रति सांकेतिक भनेपनि प्रायश्चित्त गरे त्यो झनै अर्थपूर्ण हुनसक्थ्यो ।

हुन त हाम्रै देशका कतिपय व्यक्ति र संस्थालाई नाकाबन्दी गल्ति थियो भनेर स्वीकार गर्न २ वर्ष लाग्यो भने नाकाबन्दी लगाउनेले स्वीकार गर्न अरु केही वर्ष पनि लाग्न सक्छ । किनकी राजपा नेता राजेन्द्र महतोले भनिसकेका छन्–नाकामा अवरोध हामीले गरेका हौं, मोदीले किन माफी माग्ने ?

त्यसैले हामी यस्ता मामिलामा बिभाजित भएसम्म पराईले खेल्न खोजिरहन्छन् ।

२०७५ वैशाख ३० गते ९:२७ मा प्रकाशित (२०७५ वैशाख ३१ गते १६:४४मा अद्यावधिक गरिएको)

लेखक परिचय

मात्रिका पाैडेल

समसामयिक राजनीतिक बिषयमा कलम चलाउने पाैडेल झन्डै दुर्इ दशकदेखि पत्रकारितामा सक्रिय छन् । उनी अनलाइनखबर डटकमका डेपुटी एडिटर हुन् ।
लेखकबाट थप

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१९ प्रतिकृयाहरू प्राप्त
  • jitthakuri लेख्नुहुन्छ    |   २०७५ वैशाख ३० गते ९:४६

    Lekhera Bhayan Lekhek Ju Kaam garer dekhaun Parchha

    2
    25
    Share

  • Bisht लेख्नुहुन्छ    |   २०७५ वैशाख ३० गते ९:४९

    “राजपा नेता राजेन्द्र महतोले भनिसकेका छन्–नाकामा अवरोध हामीले गरेका हौं, मोदीले किन माफी माग्ने?” लाज लाग्छ यस्तालाई नेपाली नेता भन्न ।।।

    53
    11
    Share

  • RAJENDRA लेख्नुहुन्छ    |   २०७५ वैशाख ३० गते ९:५९

    Very good article. yo rajendra mahato ta india ko gulam ho, madhes ko sabai ta hoina dherai neta india ko ishara ma chalcha.

    32
    11
    Share

  • Pashupati Bhandari लेख्नुहुन्छ    |   २०७५ वैशाख ३० गते ९:५९

    Rajendra Mahato le bhannu ra india le bhannu autai ta kura ho. Because he is indian, otherwise investigate the Nationality card of Rajendra Mahato & his father.

    23
    9
    Share

  • surendra लेख्नुहुन्छ    |   २०७५ वैशाख ३० गते १०:११

    lekh sandharbhik chha, lampasarbaad ko bhadda abhyas bhaeko bishaya lekhle spasta banaeko chha

    19
    3
    Share

  • 1. PM Modiko Janak yatrakakramma kedrako dherai kamjori ra pradesik sarkarko high handedness dekhiyeko kura theek ho. yasta galti prati sachetak bhai turunta kendra batari sudhar garnu parda chha. लेख्नुहुन्छ    |   २०७५ वैशाख ३० गते १०:१७

    jcg

    1
    1
    Share

  • Dawa Sherpa लेख्नुहुन्छ    |   २०७५ वैशाख ३० गते १०:३१

    लेख सान्दर्भिक छ सरकारले यसलाई गम्भिर रूपमा लिनु पर्छ।

    25
    2
    Share

  • डिल्लीराम रेग्मी लेख्नुहुन्छ    |   २०७५ वैशाख ३० गते ११:००

    भाई फुटे गवार लुटे भन्ने कुरा सवैले थाहा पाउनुपर्ने बेला अाएकाे छ ।

    22
    2
    Share

  • devendra लेख्नुहुन्छ    |   २०७५ वैशाख ३० गते ११:०८

    Kendriya satta, sarkar le chai ke laxarpato layo ta desh ra janatako laagi?? Desh ko bikash sanghiya raajya le garxa but sabai imandar rastrabhakta hunu awashyak…..

    3
    10
    Share

  • Shree kumar Basnet लेख्नुहुन्छ    |   २०७५ वैशाख ३० गते ११:४०

    मुख्यमन्त्री राउतको आपत्तिजनक अभिव्यक्तिले दर्साउछ के कस्ता बुद्धि भएका हरु छन दुइ नं.प्रदेशका नेताहरु, जुन देशको कानुन मुताबिक सार्वजनिक पद धारण गरे त्यसैको बोरोध गर्ने ।

    28
    4
    Share

  • ram लेख्नुहुन्छ    |   २०७५ वैशाख ३० गते ११:५७

    2 no pradesh ko janta lai nepali na manne ani aphno kura bolda indian bhanne,,,yestai gari rakhyo sarkar le bhanne c.k raut ko kura sahi sabit huncha,,be aware

    10
    5
    Share

  • टाकुरे कान्छो लेख्नुहुन्छ    |   २०७५ वैशाख ३० गते १२:४७

    केन्द्र सरकार ले बेलैमा ध्यान नदिने हो भने प्रदेश नम्बर २ मा भारत को कस्मिर जस्तै स्थिति बन्न सक्छ…प्रदेश बनेर देश र जनता लाइ फाइदा होला जस्तो लागेको छैन ..बिकास मा खर्च हुने पैसा त साम्सद मन्त्रि हरु कै सेबा सुबिधा मा खर्छ हुदैछ ..

    7
    5
    Share

  • प्रमोद लेख्नुहुन्छ    |   २०७५ वैशाख ३० गते १३:०२

    राउत राउत उस्तै !

    18
    1
    Share

  • SKB लेख्नुहुन्छ    |   २०७५ वैशाख ३० गते १३:४७

    तराईको आन्दोलनमा भारतीय भूमिका, भारतीय नाकाबन्दी र भारतले अन्तर्राष्ट्रिय फोरमहरुमा नेपालविरुद्ध गरेको लबिङले युगौंसम्म भारतलाई नेपालको मित्रराष्ट्र भन्न पटकै सकिदैन ।
    भारतले गरेको ६ महिना लामो नाकाबन्दी, हाम्रो स्वाभिमानमा धक्का पु¥याउने नाकाबन्दी भुल्न सकिन्न ….
    _ _ _
    SKB

    15
    5
    Share

  • Jhaggu Prasad Gahatraj लेख्नुहुन्छ    |   २०७५ वैशाख ३० गते १७:११

    What activities we saw during the visit of Indian Prime Minister Modi are shameful for us. We should not forget that we are Nepali. Where was our true patriotism? We surrendered our pride to someone and proved that we are doing dual rule within one country. Shall we learn lesson from our faults?

    6
    0
    Share

  • key लेख्नुहुन्छ    |   २०७५ वैशाख ३० गते १७:३५

    Its true Nepal has no status of Indian states.

    0
    2
    Share

  • santosh लेख्नुहुन्छ    |   २०७५ वैशाख ३० गते १८:२६

    jab Ravanle Bhibishan lai Lankabaat khedyo tab Lord Ram sang mili Ravan ra Lanka ko pni xati pugeko thia… jasto 2 eyes le dekhinx testo 1 eye le dhekhidain Terai Nepalko ho bt Teraibasi hoin yo concept rakhne lai ke bhanan sakiyela ra??

    2
    1
    Share

  • गलत सही जे बोल्यो त्यो बोल्यो अब आफै प्रचार गर्नु भन्दा चुप लगाएर बस्नु बेस लेख्नुहुन्छ    |   २०७५ वैशाख ३१ गते २:१७

    नाम नै काफी छ

    1
    0
    Share

  • ichiro लेख्नुहुन्छ    |   २०७५ वैशाख ३१ गते ८:१२

    १) नेपालको प्रराष्ट्र नीतिनै छैन भन्ने प्रमाणित भएको छ
    २) खोक्रो रास्ट्रबादले देशलाइ कति कम्जोर बनाउदा रहेछ भन्ने इसपस्त भएको छ
    ३) भारतको बिरोद गर्ने नै रास्ट्रबाद भन्ने मानसिकता नत्याग्नेसम्म र मदेशमा बस्ने नेपालीलाइ भारतीय देख्ने रोग नहटे सम्म नेपाल कहिले पनि सम्रिधिको बाटो अघि बढ्न सक्दैन

    1
    2
    Share

यसमा तपाइको मत




फेसबुकबाट तपाईको प्रतिक्रिया

Also you may like this