२० जेठ, पोखरा । अन्नपूर्ण शताव्दी पर्यटन महोत्सवको अवसरमा आयोजित म्याराथन दौडमा नेपाली सेनाले बर्चस्व जमाएको छ । म्याराथनमा नेपाली सेनाका हरि कुमार रिमाल प्रथम भएका छन् ।
उनले निर्धारित ४२ दशमलवग १९५ किलोमिटरको दुरी चार घण्टा १६ मिनेट ४८ सेकेन्डमा पूरा गर्दै उपाधि जितेका हुन् ।
प्रतियोगितामा नेपाली सेनाकै पूर्ण तामाङ दोस्रो भए । उनले निर्धारित दुरी चार घण्टा १७ मिनेट ४२ सेकेण्डमा पार गरे ।
चार घण्टा २० मिनेट ३९ सेकेन्डमा निर्धारित दुरी पार गरेका होमलाल श्रेष्ठ तेस्रो भए । उनी पनि नेपाली सेनाकै हुन् ।
म्याराथनमा प्रथम भएका रिमालले एक लाख, दोस्रो भएका तामाङले ७० हजार र तेस्रो भएका श्रेष्ठले ५० हजार रुपैयाँ पुरस्कार पाए ।
