हाँस्य कलाकार, निर्माता तथा चलचित्र लेखक दिपकराज गिरी आज एक बिहानै पशुपतिनाथको दर्शक गर्न पुगे । पहेलो बस्त्रमा दिपकराज पशुपति पुग्दा उनीसँग सेल्फी खिच्नका लागि उनका फ्यानहरुको राम्रै भीड देखियो ।
दिपक हरेक बर्षको साउनको सोमबारमा ब्रत बस्ने गर्दछन् । केही बर्ष अघिसम्म त उनी साउन, भदौ र असोजमा मासु खादैनथ्य । तर, अहिले उनी पूर्ण रुपमा शाहाकारी भएका छन् ।
दिपकले भने-‘अहिले त म पूर्ण शाहाकारी नै भएको छु । मदिरा भने साउन, भदौ र असोजमा छुन्नँ ।’ साउनको हरेक सोमबार उनी पशुपतिनाथको दर्शन गर्न पुग्ने गरेका छन् । तर, उनले भगवान्सँग केही पनि नमाग्ने बताए । भने-‘मैले भगवानसँग केही पनि माग्दिनँ । भगवान्ले आफै वुझ्नु हुन्छ भन्न लाग्छ ।’ उनी एक दशक भन्दा लामो समयदेखि शिवको भक्त समेत भएका छन् ।
कलाकार भएको नाताले पनि उनलाई सोमबार पशुपति पुग्दा लामो लाइन बस्नु पर्दैन । उनलाई भित्र मन्दिरसम्मकै त्यहाँ काम गर्ने कर्मचारीहरुले पुर्याइदिने गरेका छन् । पशुपति पुग्दा मन शान्त हुने उनको धारणा छ । 
तस्बिरः चन्द्रबहादुर आले
