हालै आफ्ना प्रेमी आयूष्मान देशराजसँग ईंगेजमेन्ट गरेकी नायिका प्रियंका कार्कीले फिल्म ‘कथा काठमाडौं’ को एउटा गीतमा भल्गर सिन दिएकी छन् । यसबाट उनले चर्को आलोचना खेप्नु परेको छ ।
दोस्रो विवाहको तयारीमा रहेकी नायिकाले नायक प्रमोद अग्रहरीसँग दिएको अन्तरंग दृष्य नेपाली दर्शकले सहजै पचाउने खालको छैन । यूट्यूवले समेत यो गीत ‘केही प्रयोगकर्ताहरुका लागि अनुपयुक्त’ रहेको भन्दै उमेर कन्र्फम गरेर मात्रै हेर्न सकिने बनाएको छ । अश्लिल र आपत्तिजनक खालका भिडियोहरुमा यूट्यूवले यस्तो गर्छ ।
यूट्यूवमा गीतमाथि थुप्रै नकारात्मक प्रतिक्रियाहरु आएका छन् । ती प्रतिक्रियाहरु बढि पि्रयंकामाथि नै फोकस छन् । धेरैले उनलाई अश्लिल गाली गरेका छन् । कतिपयले पोर्न फिल्ममा जान सुझाव दिएका छन् । साथै उनको प्रेमी आयूष्मानप्रति सहानुभूति दर्शाउनेहरु पनि छन् ।
राधा क्षेत्री लेख्छिन्ः यस्तो अश्लिल भिडियोलाई के भन्नु । जति इज्जतले प्रियंका दिदी भन्न मन लाग्थ्यो, तर आज यो भिडियोमा देखेर रुन मन लाग्यो । दिजु हजुरले किन यस्तो भिडियो गर्नुभयो । हजुरलाई नचिन्ने यो देशमा को थियो होला र दिजु म जस्तै अरु पनि रोए होला ।’
शंकर मोक्तान लेख्छन्ः कथा नै यस्तो भएकोले हो कि बनाउन नजानेको हो । गिद्दले सिनो लुछेको झैं लाग्छ ।
भीआईपी नेपालले लेखेका छन्ः यति भएपछि पोर्न हब नेपालमा किन चाहियो र ?
आश्मा रिमालले लेखकी छन्ः म प्रियंका दिदीको ठूलो फ्यान हो । यो भिडियो हेर्दा मलाई सारो नराम्रो लाग्यो । तर, यो भिडियोमा प्रियंका दिदी मात्र होइन केटा पनि छ । उसलाई कसैले किन केही नभनेको होला ?
विवेक गौतमले लेखेका छन्ः प्रियंकाजी यो तपाईंको पब्लिसिटी स्टन्ट हो कि के हो ? यो हाम्रो समाजले पचाउन सक्ने भन्दा अति बढि छ । एउटा नेपाली चलचित्रप्रेमीको रुपमा मलाई लाग्छ कि यस्तो प्रकारको सिन एकदम अनावश्यक छ । यदि तपाईंको फिल्मको स्क्रिप्ट र पि्रजेन्टेसन राम्रो छ भने ।
साथै प्रियंकाको बचाउ गर्नेहरुको पनि कमि छैन । उनको बचाउ गर्नेहरुले कथाको मागअनुसार यो सिन खिचिएको हुनुपर्ने तर्क गरेका छन् ।
