९ साउन, काठमाडौं । बुधबार फेरी सेयर बजारमा करिब ५ अंकले गिरावट देखिएको छ । १ हजार १ सय ९९ दशमलव ३० अंकबाट शुरु भएको कारोबार ४ दशमलव ९२ अंकले घटेर नेप्से परिसुचक १ हजार १ सय ९४ दशमलव ३५ अंकमा कायम भएको छ ।
मंगलबार भने सेयर बजार ४ दशमलव ७७ अंकले घट्दा नेप्से परिसुचक १ हजार १ सय ९९ दशमलव २७ अंकमा पुगेर कारोबार बन्द भएको थियो ।
नेप्से परिसुचकसँगै सोमबार कारोबार रकममा समेत गिरावट आएको छ । दिनभरिमा १ सय ६८ वटा कम्पनीको ६ लाख २९ हजार सात सय १७ कित्ता सेयर किनबेच भए ।
बुधबार जम्मा १६ करोड ६१ लाख ६७ हजार ४ सय ३० रुपैयाँको मात्रै कारोबार भएको छ । मंगलबार २९ करोड ४१ लाख ८२ हजार ३ सय ४८ रुपैयाँको सेयर कारोबार भएको थियो ।