२२ साउन, विराटनगर । गाउँपालिकालाई आफन्त भर्ती गर्ने केन्द्र बनाएको भन्दै कटहरीका अध्यक्ष र उपाध्यक्ष आलोचित भएका छन् ।
गाँउपालिकाका प्रमुख रामकुमार कामतले आफ्नै छोरीलाई जागिर दिलाएको र उपप्रमुख मन्जिताकुमारी सरदारले आफ्ना भिनाजुलाई जागिर दिलाएपछि आलोचित बन्नु परेको हो ।
अध्यक्ष कामतले छोरी सरितालाई खरिदारमा जागिर दिलाएका छन् । सरिता प्रमुख कामतकी कान्छी छोरी हुन । उनलाई विनाप्रतिप्रस्र्धा खरिदारमा जागिर खुवाएको स्थानीयले बताएका छन् ।
उपप्रमुख सरदारले आफ्नै भिनाजु नारायण सरदारलाई कार्यालय सहायकका रुपमा जागिर दिलाएकी छन् । सोही गाउपालिका-६ का नारायण उपप्रमुख सरदारकी जेठी दिदीको श्रीमान हुन ।
कटहरी गाँउपालिकाका प्रमुख कामतले कार्यालयमा खरिदारको पलमा कर्मचारी आवश्य परेकाले सरितालाई नियुक्ति गरिएको बताए ।
‘मन्त्रीदेखि सांसदसम्मले त आफन्तहरु नियुक्ति गर्छन,’ उनले भने, ‘ मैले त कर्मचारी चाहिएकाले आवश्य प्रकृया पूरा गरी कर्मचारी नियुक्ति गरेको हो । कर्मचारी नियुक्ति गर्दा छोरी भएकाले मैले के बिगारे ?’
यता उपाध्यक्ष सरदारले नाताले आफनो भिनाजु भएपनि उनी अत्यान्तै आर्थिक स्थिति न्यून भएकालेे सबैजनाको सहमतिमा उलाई जागिर दिइएको बताइन् ।
कटहरी गाँउपालिकाले प्रयोजनका लागि गएको आवमा साढे २८ करोडको सवारी साधान खरिद गरेको बिषयपनि आलोचित बनेको थियो ।
गाँउपालिकाले एउटा स्कार्पियो,वडाध्यक्षका लागि सात वटा मोटरसाइकल र चारवटा थप मोटरसाइकल कर्मचारकिो लागि खरिद गरेको थियो ।
