बुधबार, ३० साउन, २०७५
OnlineKhabar.com
Suzuki

‘विमान अपहरणकारी’ को आत्मवृत्तान्त प्रकाशित

Suzuki
अनलाइनखबर

२५ साउन, काठमाडौं । प्रजातान्त्रान्त्रिक आन्दोलनका योद्धा दुर्गा सुवेदीको आत्मवृत्तान्त ‘विमान विद्रोहः एउटा राजनीतिक अपहरणको वयान’ बजारमा आएको छ ।

पुस्तकका लेखक दुर्गा सुवेदी पूर्वप्रधानन्यायाधीश सुशीला कार्कीका पति हुन् । विसं. २००३ सालमा धनकुटामा जन्मिएका सुवेदी नेपालको प्रजातान्त्रिक आन्दोलनका चर्चित नाम हुन् ।

पञ्चायती सत्ताविरुद्ध नेपाली कांग्रेसले गरेको सशस्त्र संघर्षलाई सहयोग पुर्‍याउन नेपाल राष्ट्र बैंकको भारु ३० लाख लुट्न सुवेदीले बसन्त भट्टराई र नगेन्ऽ ढुंगेलसँग मिलेर ०३० सालमा नेपाल वायुसेवा निगमको विमान अपहरण गरेका थिए ।

विमान अपहरणपछि करिब १० वर्ष लामो प्रवास-बसाई र दुई वर्ष भारतीय जेलमा जीवन बिताएका सुवेदी कालान्तरमा माओवादी र सरकारबीच शान्ति-संवाद गराउने सूत्राधारसमेत बनेका थिए ।

‘विमान विद्रोह’को प्रकाशन किताब पब्लिसर्स प्रालिले गरेको हो । किताब पब्लिसर्सकी प्रमुख सञ्चालन अधिकृत कल्पना ढकाल भन्छिन्- ‘यो पुस्तकले पाठकहरुलाई नेपाली इतिहासको रोचक अतीततर्फ फर्काउने हाम्रो अपेक्षा छ ।’

एउटा सशस्त्र संघर्ष गर्दा र अर्को सशस्त्र संघर्ष टुंग्याउन भूमिका खेल्दाका दुवै पाटाहरु पुस्तकमा रहेको ढकाल बताउँछिन् ।

पुस्तकमा कांग्रेसले हतियार उठाउँदाका अन्तरकथा, कोइराला परिवारका भित्री कथा र त्यसै क्रममा उनी स्वयंलाई पार्टीभित्रबाटै मार्न खोजिएको षडयन्त्रको पनि सुवेदीले खुलासा गरेका छन् ।

साथै आफ्नी धर्मपत्नी सुशीला कार्की प्रधानन्यायाधीश छँदा तत्कालिन अख्तियार प्रमुख लोकमानसिंह कार्की कसरी ‘१० करोडको गोड्धुवा प्रस्ताव’ लिएर आएका थिए भन्ने वर्णन पनि पुस्तकमा रहेको ढकालले बताएकी छिन् ।

२०७५ साउन २५ गते १६:३४ मा प्रकाशित (२०७५ साउन २६ गते १९:१३मा अद्यावधिक गरिएको)
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

५ प्रतिकृयाहरू प्राप्त
  • kusan sharma लेख्नुहुन्छ    |   २०७५ साउन २५ गते १७:००

    यसरी किताबै छापेपछि,

    ‘बिमान अपहरण र पैसा लुट्नु’लाई,

    गौरबनै मानेको हुनुपर्छ,

    अब मेरो प्रश्न,

    > ‘विप्लब’ले क्रान्ति गर्न भनेर,
    त्यसैगरि बिमान अपहरण गर्न पाउछन् ?

    > अर्को कुनै राजनीतिक उद्धेश्य लिएकाले,
    मान्छे अपहरण गरेर पैसा असुल्न पाउछ ?

    > अन्य चोरी,डकैति,हत्या र बलात्कार पनि,
    ठुलो उद्धेश्य लिएर गरेको भनेर,
    भोली कसैले यस्ता ‘किताब’निकाल्यो भने,
    हामीले चुपचाप पढिदिनु पर्ने हो ?

    10
    7
    Share

  • Desert लेख्नुहुन्छ    |   २०७५ साउन २५ गते १७:२०

    Don’t glorify crime just as no politician should get mileage for being jail. If ends justifies the means than only few benefit, act as pseudo leaders without the grasp of well being of a nation and wag tongue without reason or rhyme.

    3
    4
    Share

  • बेदप्रकाश जोशी लेख्नुहुन्छ    |   २०७५ साउन २५ गते १८:०४

    चाहे जोसुकै होस् अपहरणकारी त्यो अपराध हो

    0
    1
    Share

  • kumar लेख्नुहुन्छ    |   २०७५ साउन २५ गते १८:१७

    अपहरकारी र लुटेरा पनि योद्दा हुन्छ त

    0
    1
    Share

  • Jesbin लेख्नुहुन्छ    |   २०७५ साउन २५ गते २३:०१

    यो बिमान बिद्रोह भन्ने पुस्तकको अर्को नराम्रो पाटो भनेको त्यो बिमान उडाउने पाइलटलाइ परेको मानसिक दवाव पनि हो….!!

    1
    1
    Share

यसमा तपाइको मत




फेसबुकबाट तपाईको प्रतिक्रिया

Also you may like this