News Summary
Generated by OK AI. Editorially reviewed.- सोलुखुम्बुको आमादब्लम हिमालमा लडेर एक जर्मन आरोहीको मृत्यु भएको छ।
- शिखर चुमेर फर्कने क्रममा करिब १ हजार ५०० मिटर तल खसेका उनको शव सोमबार खोजी टोलीले फेला पारेको हो।
- शव हेलिकोप्टरमार्फत काठमाडौं ल्याएर पोस्टमार्टम गरिने र चालु शरद् सिजनमा आमादब्लम आरोहणका लागि ३०० भन्दा बढीले अनुमति लिएका छन्।
१० कात्तिक, काठमाडौं । सोलुखुम्बुस्थित आमादब्लम हिमालमा लडेर एक जर्मन आरोहीको मृत्यु भएको छ । ६ हजार ८१४ मिटर अग्लो हिमालको शिखर चुमेर फर्किने क्रममा उनी करिब एक हजार ५०० मिटर तल खसेका थिए ।
आइतबार आमादब्लम हिमालको चुचुरोमा पुगेका ती आरोहीको सोमबार मृत्यु भएको हो । उनको शव सोमबार नै खोजी टोलीले फेला पारेको स्थानीय व्यवस्थापनको जिम्मा लिएको कम्पनी रियल हिमालय प्रालिका प्रमुख गोकुल थापाले बताएका छन् ।
थापाले लुक्लाबाट दिएको जानकारी अनुसार शव हेलिकोप्टरमार्फत काठमाडौं ल्याएर पोस्टमार्टम गरिनेछ ।
सगरमाथा रहेको सोलुखुम्बु जिल्लामा पर्ने आमादब्लम हिमाल आरोहीमाझ लोकप्रिय गन्तव्य हो । चालु शरद् ऋतुको आरोहण सिजनमा आमादब्लम आरोहणका लागि ३०० भन्दा बढी आरोहीले अनुमति लिएका छन् । सेप्टेम्बरदेखि नोभेम्बरसम्मको अवधिलाई नेपालमा मुख्य शरद् आरोहण सिजन मानिन्छ ।
यसअघि गत साता पश्चिम नेपालको गंगापूर्णा हिमालमा दुई जापानी आरोहीको मृत्यु भएको थियो ।
यसै वर्ष पाकिस्तानको काराकोरम पर्वतशृंखलास्थित ब्रड पिक हिमालमा हिमपहिरोमा परी चर्चित नेपाली पर्वतारोही निर्मल पुर्जासहित १० जनाले ज्यान गुमाएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4