१९ असोज, काठमाडौं । यु-१९ एसिया कपको उपाधिको लागि भारत र श्रीलंकाले प्रतिस्पर्धा गर्ने भएको छ ।
बंगलादेशमा शुक्रबार सम्पन्न सेमिफाइनल खेलमा श्रीलंकाले अफगानिस्तानलाई ३१ रनले पराजित गरेर फाइनल प्रवेश गरेको हो ।
यता, भारतले भने बिहीबार भएको सेमिफाइनलमा बंगलादेशलाई २ रनले पराजित गर्दै फाइनल पुगेको थियो ।
२१० रनको लक्ष्य पछ्याउँदै ब्याटिङ गरेको अफगानिस्तानले४८.३ ओभरमा सबै विकेटको क्षतिमा १७८ रन मात्रै बनाउन सक्यो । यसअघि टस हारेर पहिले ब्याटिङ गरेको श्रीलंकाले निर्धारित ५० ओभरमा ७ विकेटको क्षतिमा २०९ रन बनाएको थियो ।
भारत र श्रीलंकाबीचको फाइनल खेल आइतबार हुनेछ ।
