३ कात्तिक, रामेछाप । रामेछाप-२ खरानेमा सुमो गाडी दुर्घटना हुँदा २ जनाको मृत्यु भएको छ । ७ जना घाइते भएका छन् ।
मृतक दुई आमा छोरा हुन् । दुर्घटनामा रामेछाप नगरपालिका-१ गोठगाउँकी ६० वर्षीया ललीमाया कार्की र उनकी ४० वर्षका छोरा दुर्गाबहादुर कार्कीको मृत्यु भएको सोही वडाका वडाध्यक्ष नरबहादुर थापाले जानकारी दिए ।
रामेछापको कुकुरकाटेबाट गोठगाउँ जाँदै गरेको ना १ ज ४८ १२ को टाटा सुमो अनियन्त्रित भएर सााँझ सडकबाट ३ सय मिटर तल खसेको हो ।
घाइतेहरुलाई उपचारका लागि जिल्ला अस्पताल मन्थलीमा ल्याइएको छ ।
