शिक्षाले मानिसलाई संस्कार सिकाउँछ भनिन्छ । तर भारतमा पीएचडी गर्न लागेका एकजना पुरुषले आफ्नी पत्नीको जिब्रो नै काटिदिएका छन् ।
उत्तर प्रदेशको कानपुरस्थित बर्रा क्षेत्रमा यो घटना भएको हो ।
पत्नी धेरै बोलेको अर्थात् पत्नीको जिब्रो कैँचीझैँ चलेको आरोपमा उनले जिब्रो नै काटिदिए ।
पत्नीको जिब्रो काटिदिने युवकको नाम आकाश हो । गत वर्ष वन्दना नामकी युवतीसँग उनले लाखौं खर्च गरेर बिहे गरेका थिए । बिहेपछि उनले पत्नीलाई पटक–पटक दाइजोको निहुँमा प्रताडना दिने गरेको र टाउको फुट्नेगरी कुट्ने गरेका थिए ।
गत नोभेमबर ६ मा दीपावलीको एक दिनअघि उनले पत्नीलाई जबरजस्ती नशालु पदार्थ खुवाए अनि लठ्याएर जिब्रो काटिदिए । पीडित वन्दनाको छिमेकीहरुले उद्दार गरेका थिए ।
पीडक लोग्नेलाई प्रहरीले गिरफ्तार गरेको छ ।
एजेन्सी
