५ मंसिर, काठमाडौं । प्रतिनिधि सभा अन्तर्गत अर्थ समितिको निर्देशनलाई अर्थ मन्त्रालयले अटेर गरेको छ ।
सरकारले पुँजीगत खर्च गर्न नसकेको विषयमा समिति बैठकमै प्रश्न उठे पछि अर्थ मन्त्रालयलाई पुँजीगत खर्चको कार्ययोजना समितिले मागेको थियो ।
असोज २२ गते लिखित रुपमै अर्थमन्त्राललाई समितिले कार्ययाेजना माग गरेको थियो ।
संसदीय समितिले लिखित रुपमै अर्थसँग खर्चको कार्ययोजना माग गरेको भए पनि हालसम्म उपलब्ध नभएको समितिका सभापति कृष्ण दाहालले बताए ।
समितिको निर्देशन मन्त्रालयहरुले नटेरे पछि ताकेता पत्र पठाउने निर्णय गरिएको छ ।
बुधबार बसेको समिति बैठकले पुँजीगत खर्च कार्ययोजना पठाउन अर्थ मन्त्रालयलाई ताकेता पत्र पठाउने निर्णय भएको हो ।
