६ मंसिर, काठमाडौं । वेष्ट इन्डिजसँगको पहिलो टेष्ट खेलमा घरेलु टोली बंगलादेशले मध्यम स्कोर बनाएको छ ।
टस जितेर पहिले ब्याटिङ गरेको बंगालदेशले पहिलो दिनको समाप्तिमा ८ विकेटको क्षतिमा ३१५ रन बनाएको छ । बंगालदेशका लागि मोमिन्युल हकले शतकीय रन बनाए । उनले १६७ बलमा १० चौका र १ छक्का प्रहार गर्दै १२० रन बनाएका थिए ।
त्यस्तै, बंगलादेशका लागि इम्रुल कायसले ४४, कप्तान शकिब अल हसनले ३४ र तैजुल इस्लामले अविजित ३२ रन बनाए ।
यता, वेष्ट इन्डिजका लागि भने बलिङतर्फ शान्नोन गाब्रियलले ४ विकेट लिए ।