२७ मंसिर, काठमाडाैं । सानिमा बैंककाे बिहीबार १४ औं वार्षिक साधारणसभा सम्पन्न भएकाे छ । बैंकले साधारणसभाबाट यस अगाडि सञ्चालक समितिले घोषणा गरेको १४ प्रतिशत नगद लाभांश पारित गरेको छ ।
साधारणसभाले सर्वसाधारण शेयरधनीहरुको तर्फबाट भरतकुमार पोखरेल र महेश घिमिरेलार्इ निर्विरोध सञ्चालक चयन गरेको छ । बैंकले गत आर्थिक वर्षमा एक अर्ब ७० करोड रुपैयाँ नाफा गरेको थियो ।
बैंकले ७९ अर्ब १८ करोड रुपैयाँ निक्षेप संकलन गरि ६९ अर्ब २४ करोड रुपैयाँ ऋण लगानी गरेको थियो। कुल सम्पत्ती भने ९१ अर्ब ८२ करोड रुपैयाँ पुगेको बैंकले जनाएको छ ।