९ पुस, विराटनगर । मोरङको उर्लाबारी नगरपालिका – ७ मा आगलागीमा जलेर एक महिलाको मृत्यु भएको छ ।
सोमबार साँझ साढे ६ बजे रामबहादुर थापाको घरमा आगलागी हुँदा उनकी बुहारी ४५ वर्षकी रिना थापाको घटनास्थलमै मृत्यु भएको इलाका प्रहरी कार्यालय उर्लाबारीले जनाएको छ ।
आगलागीको समयमा घरमा ८४ वर्षका ससुरा रामबहादुर र बुहारी रिना रहेका थिए । रामबहादुरलाई स्थानीयबासी र प्रहरीले उद्दार गरे पनि बुहारी कोठामा चुकुल लगाएर सुतेकाले उद्दार गर्न नसक्दा आगोले जलेर मृत्यु भएको प्रहरीले जनाएको छ ।
