७ माघ, काठमाडाैं । हिन्दु धर्मालम्बीहरुको भक्ति र श्रद्धाको पर्व श्री स्वस्थानी ब्रत सोमबारदेखि सुरु भएको छ ।
एक महिनासम्म घरघरमा स्वस्थानी परमेश्वरीको व्रतकथा पढेर सुनाउने गरिन्छ । एक महिनासम्म चल्ने स्वस्थानि ब्रत बिहान नुहाएर मध्यान्ह पूजा अर्चना गरिन्छ ।
सत्य युगमा बिष्णुको सुझावअनुसार पार्वतीलेे कठोर ब्रत बसी स्वस्थानीको पूजाअर्चना गरेपछि मनोकांक्षाअनुसार महादेव पति पाएको धार्मिक विश्वास छ ।
सोमबारदेखि काठमाडौंको साँखुको शालीनदीमा विशेष मेला लागेको छ । व्रतालु महिला-पुरूषहरुले साँखुलगायत देशभरका नदी, खोला र किनारमा स्वस्थानीको प्रतिमा बनाइ श्रद्धाभक्तिपूर्वक पूजाआजा गरेका छन् ।