Comments Add Comment

‘यात्रा’को फस्टलुकमा सलिन र मल्लिकाको प्रेम

चैत्र २९ गतेबाट रिलिज हुन लागेको चलचित्र ‘यात्रा’को फस्टलुक सार्वजनिक भएको छ । चलचित्रको कुनै पनि तस्बिर अहिलेसम्म सार्वजनिक गरिएको थिएन । तर, यसको निर्माणपक्षले बिहिबार सार्वजनिक गरेको फस्टलुकमा नायक सलिनमान बनियाँ र नव–नायिका मल्लिका महत्तको रोमान्सलाई प्रस्तुत गरिएको छ ।

यो चलचित्रले नायक सलिनमानको यात्राको कथालाई पर्दामा देखाएको छ । सलिनमान चलचित्रमा भ्लगरको भूमिकामा देखिएका छन् । यो चलचित्रलाई सम्राट शाक्यले निर्देशन गरेका हुन् । उनको यो डेब्यू चलचित्र हो ।

चलचित्रमा सलोन बस्नेत, जान्वी बस्नेत, जयनन्द लामा, रेअर राई, प्रक्षा बज्रचार्य, धिरेन शाक्य, राजाराम पौडेल, विशाल कटवाल लगायतका कलाकारको मुख्य भूमिका छ । चलचित्रमा बाल कलाकारको रुपमा अंकित संग्रौला र एन्जल राइको अभिनय छ । केशव भट्टराई र सुशिल पोखरेलले यो चलचित्रको निर्माण गरेका हुन् ।

कोटकी कालिका देवी फिल्मस्, क्रियटिभ फिल्म प्रोडक्शन र हरि ओम सिने मेकर्सको ब्यानरमा निर्माण भएको चलचित्रमा संजय लामाको छायांकन, कविराज गहतराज र प्रविन सिंहको कोरियोग्राफी, हिमाल केसीको एक्सन, बनिष शाहको सम्पादन, शम्भुजित बास्कोटा, प्रतिक पौडेल र कोविद बज्रको संगीत छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment