१ फागुन, काठमाडौं । अख्तियार दुरुपयोग अनुसन्धान आयोगले काठमाडौं जिल्ला अदालतका न्यायाधीश बाबुकाजी बानियाँमाथि पनि अनुसन्धान गर्नुपर्ने बताएको छ ।
सवारी ज्यान मुद्दा सहज गराइदिने भनी सेवाग्राहीसँग घुस लिँदालिँदै पक्राउ परेका नायब सुब्बा भोलानाथ चालिसेले न्यायाधीश बानियाँकै सल्लाह र सहमतिमा घुस लिएको बताएपछि अख्तियारले न्यायाधीशमाथि पनि अनुसन्धान गर्नुपर्ने बताएको हो ।
अख्तियारले बानियाँमाथि अनुसन्धान गर्न आफूले प्राप्त गरेका कागजातसहित न्यायपरिषदमा पत्र पठाएको हो । संविधान र कानूनअनुसार न्यायाधीशमाथि अनुसन्धान गर्न अख्तियारको क्षेत्राधिकार नभएकाले उसले न्यायपरिषदमा लेखी पठाएको हो ।
काठमाडौं जिल्ला अदालतको फाँट नम्बर २६ मा कार्यरत नायब सुब्बा चालिसे सवारी ज्यान मुद्दा सहज गराइदिने भनी सेवाग्राहीसँग ५ लाख रुपैयाँ घुस लिएको अवस्थामा पक्राउ परेका थिए ।
अख्तियारले उनीविरुद्ध बुधबार विशेष अदालतमा भ्रष्टाचार मुद्दा दायर गरेको छ । अनुसन्धानका क्रममा घुस लिएको पुष्टि भएकाले ५ लाख रुपैयाँ विगो कायम गरी भ्रष्टाचार मुद्दा दायर गरिएको अख्तियारका प्रवक्ता रामेश्वर दंगालले जानकारी दिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4