बलिउडका चर्चित नायक रणवीर सिंह र नायिका दिपिका पादुकोणको जोडीलाई आइडल जोडी मान्नेहरु धेरै छन् । केही समय अगाडि बैबाहिक जीवनमा बाधिएको यो जोडीको माया–प्रेप पनि गज्जबको छ । धेरै फ्यानले रणवीर जस्तो श्रीमान पाउनु दिपिकाको लागि भाग्यको कुरा भएको पनि भन्ने गरेका छन् ।
यति धेरै माया गरिरहँदा र दिपिका खुसी बनाइरहँदा पनि रणवीरको मनमा शान्ती मिलेको छैन् । रणवीर हालै करिना कपुरको नयाँ रेडियो कार्यक्रममा सहभागीता जनाउँदै आफू कसरी सर्वश्रेष्ठ श्रीमान् बन्ने भनेर प्रश्न गरेका छन् । ‘ह्वाट वुमन वान्ट्स’ नामक रेडियो शो मा रणवीरले करिनालाई सोधेका छन्, ‘म हालै मात्र बिबाह बन्धनमा बाधिएको छु । मलाई उत्कृष्ट श्रीमान् बन्न के गर्नुपर्छ ? सिकाइदिनुस् न ।’
रणवीरको यो प्रश्नमा करिनाले भनिन्, ‘रणवीर तिमीले भर्खर जीवनलाई रमाइलो पारामा सुरु गरिरहेको छौ । र, अर्को कुरा तिमीले दिपिकालाई कति माया गर्छौ र तिमी कति मायालु छौँ भन्नै सबैलाई थाहा छ । तिमीलाई केही सिकाउनु पर्ने जरुरी छैन । तिमीहरुको प्रेम हेरेर धेरैले सिक्ने छन् ।’
करिनाले एक–अर्काको लागि खुल्ला ठाँउ दिनुपर्ने बताइन् । उनले यस अर्थमा त्यो बोलेकी थिइन कि, उनीहरु माथि आँखा लगाउनेहरु त्यो खुल्ला ठाँउमा फस्नेछन् ।
