Comments Add Comment

निर्माण व्यावसायी संघमा मेयरका छोरा र वडाअध्यक्षबीच प्रतिस्पर्धा

३ चैत, सिन्धुपाल्चोक । निर्माण व्यावसायी संघ सिन्धुपाल्चोकको अधिवेशनमा चौतारा साँगाचोकगढी नगरपालिकाका मेयर अमानसिं तामाङका छोरा छत्र तामाङ र वडानं २ का वडाअध्यक्ष दीपेन्द्र थापाबीच प्रतिस्पर्धा हुने भएको छ ।

चैत ८ गते चौतारामा हुने अधिवेशनका लागि दुबैले प्यानलसहित उम्मेदवारी दर्ता गरेका छन् । जनप्रतिनिधि नै ठेक्कापट्टामा लागेको भनी आलोचना भइरहेका बेला मेयरका छोरा र वडाअध्यक्षबीच नै प्रतिस्पर्धा हुन लागेको हो ।

मेयर पुत्र छत्र तामाङले नेकपा समर्थित प्यानलबाट र वडा अध्यक्ष दीपेन्द्र थापाले कांग्रेस र राप्रपालगायतअन्य साना दलहरुको समर्थनमा उम्मेदवारी दिएका हुन् ।

तामाङ अघिल्लो अधिवेशनमा वर्तमान अध्यक्ष निलध्वज थापासँग पराजित भएका थिए । थापा दुई कार्यकालदेखि संघको सदस्य छन् । थापालाई पूर्वअध्यक्षहरु धर्मराज भण्डारी, हेमबहादुर बुढाथोकी र वर्तमान अध्यक्ष निलध्वज थापाको समर्थन छ । तामाङलाई वर्तमान उपाध्यक्ष एवं नेकपा जिल्ला सदस्य इन्द्र नेपाल, पूर्वसचिव श्यामकृष्ण श्रेष्ठलगायतका व्यवसायीको समर्थन छ ।

आफू अहिले वडा अध्यक्ष भए पनि निर्माण व्यवसायी संघमा लामो समयदेखि क्रियाशील भएकाले संघको निर्वाचनमा भाग लिएको अध्यक्षका प्रत्यासी थापाले बताए । निर्माण व्यवसायीको अध्यक्षमा निर्वाचित भएपछि दुवै संस्थालाई फरक फरक रुपमा लैजाने थापाले बताए ।

अध्यक्षका अर्का उम्ेमदवार मेयरपुत्र तामाङले पनि आफू लामो समयदेखि यही क्षेत्रमा क्रियाशील रहेकाले नेतृत्वमा पुगेर संघलाई व्यवस्थित गर्ने बताए । प्रथम उपाध्यक्षमा प्रभातमान श्रेष्ठ र सगुन श्रेष्ठले उम्मेदवारी दिएका छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment