१७ चैत, बुटवल । ४६ जना प्रतिस्पर्धीलाई पछि पार्दै भैरहवाका विनोद सुनारले अन्तर प्रदेशीय शारीरिक सुगठन प्रतियोगिताको उपाधि जितेका छन् ।
हेम्मर जिम हाउस भैरहवाका सुनार ७० केजी तौल समूहका विजेतासमेत हुन् । उनले उपाधिसँगै ५० हजार नगद पुरस्कार पाए । ७० किलोग्राम तौल समूहबाट चन्द्रमान श्रेष्ठ दोस्रो र सिलस प्रधान जोशी तेस्रो भए ।
५५ केजी तौल समूहमा आमोश पुन पहिलो, समीर शाक्य दोस्रो र विष्णु कँडेल तेस्रो भए । ६० केजी तौल समूहमा सुनील आले पहिलो, मोहमद जुमराति दोस्रो र मानबहादुर चौधरी तेस्रो भए । ६५ केजी तौल समूहमा बाँकेका आनन्द थापा पहिलो, कास्कीका सुरेश लामा दोस्रो र सुमित राना तेस्रो भए ।
७० केजीमाथिको तौल समूहमा खेमबहादुर चौधरी प्रथम, सितान्शु पाण्डे दोस्रो र सुनील दहित तेस्रो भए । बेष्ट पोजरको उपाधि सुमित रानाले प्राप्त गरे ।
गण्डकी प्रदेश र प्रदेश ५ का ४७ जनाको सहभागिता रहेको उक्त प्रतियोगितामा हालै थाइल्याण्डमा सम्पन्न १० औं विश्व शारीरिक सुगठन प्रतियोगितामा स्वर्र्ण पदक विजेता महेश्वर महर्जनलाई नगद ५ लाख रुपैयाँसहित सम्मान गरिएको थियो ।
