१९ चैत, काठमाडौं । बारा र पर्सामा आइतबार राति आएको आँधी-हुरीमा परेर मृत्यु हुनेहरूको संख्या २८ पुगेको छ । मंगलबार वीरगञ्ज मेडिकल कलेजमा उपचाररत एक बालकको मृत्यु भएको हो ।
प्रदेश २ प्रहरी कार्यालयका प्रमुख, प्रहरी नायब महानिरीक्षक (डीआईजी) हरिबहादुर पालका अनुसार मृत्यु हुनेमा फेटा गाउँपालिकाका ६ वर्षीय खयाग आलम छन् । यसअघि घटनामा बारा २६ र पर्सामा १ जना गरी २७ जनाको मृत्यु भएको विवरणसहित गृहमन्त्रालयले नामावली सार्वजनिक गरेको थियो ।
घटनामा ६ सय ६८ जना घाइते भएको मध्ये २ सय ८४ जना सोमबारै उपचारपछि घर फर्किएका थिए । अन्य घाइतेको बारा र पर्सास्थित स्थानीय अस्पतालमा उपचार भइरहेको छ ।
गम्भीर घाइते ८ जनालाई भने नेपाली सेनाको हेलिकोप्टर र स्काई ट्रकमार्फत काठमाडौं ल्याएर त्रिवि शिक्षण अस्पताल, महाराजगञ्जमा उपचार भइरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4