२२ चैत, महोत्तरी । महोत्तरीमा खुला ठाउँमा शौच गर्ने १७ जनालाई प्रहरीले पक्राउ गरेको छ । पक्राउ परेकाहरूको नाम भने खुलाइएको छैन ।
खुला रुपमा शौच गरेको आरोपमा जलेश्वर नगरपालिका- ३, ४, ६ र १२ नम्बर वडाबाट उनीहरुलाई पक्राउ गरिएको जिल्ला प्रहरी कार्यालय महोत्तरीले जनाएको छ ।
पक्राउ परेका सबैलाई आगामी दिनमा खुला ठाउँमा शौच नगर्ने सर्तमा जनही ५०० जरिवाना गरी छोडिएको छ ।
जिल्लामा खुला ठाउँमा शौच गर्ने क्रम घटेपनि खुलादिसामुक्त घोषणा गरिएका क्षेत्रमा भने अझै नघटेको सरोकारवालाको भनाइ छ ।
