२५ चैत, बुटवल । अर्घाखाँचीको भूमिकास्थान नगरपालिका ८ लात्तेबाझमा जीप दुर्घटना हुुँदा तीन जनाको मृत्यु भएको छ ।
मृत्यु हुनेहरुमा प्युठान ऐरावती गाउँपालिका २ का ५० वर्षीय धनबहादुर राना, १४ वर्षीया मनिका आचार्य र अन्दाजी ५ वर्षीय एक बालकको मृत्यु भएको प्रदेश ५ ट्राफिक प्रहरी कार्यालय बुटवलले जनाएको छ ।
दुईजनाको घटनास्थलमै र बालकको सन्धीखर्क अस्पतालमा मृत्यु भएको प्रहरीले जनाएको छ । उकालो सडकमा ब्रेक फेल भएपछि जीप सडकबाट तल खसेर दुर्घटना भएको प्रहरीले जनाएको छ ।
जिपमा १८ जना यात्रु रहेका थिए । घाइतेमध्ये ८ जनालाई थप उपचारको लागि लुम्बिनी प्रादेशिक अस्पताल बुटवल रिफर गरेको र अन्य घाइतेको सन्धिखर्कमै उपचार भइरहेको प्रहरीले बताएको छ ।
